Zaǵıp jandar velosıpedpen Astanadan Parıjge jetti
ASTANA. QazAqparat - Qazaqstannan shyqqan zaǵıp jáne kózi nashar kóretin velosıpedshiler toby Parıjge jetti, dep habarlaıdy QazAqparat tilshisi.
Velosıpedshiler toby saparǵa tamyz aıynyń basynda attanǵan bolatyn. Komanda velosıpedshi, pılot-volonter - jalpy 4 tandemnen quralǵan. Kapıtan Bahtııar Bazarbekovtiń basshylyǵymen top 5 myń kılometrge jýyq joldy eńserdi. Olar kúnine 200 kılometr júrip otyrdy.
BLIND RACE ASTANA-PARIS qurlyqaralyq velomarafony aıasynda qatysýshylar Qazaqstan, Reseı, Belarýs, Polsha, Germanııa, Frantsııa, barlyǵy 30 qalanyń aýmaǵymen júrip ótti.
Komanda saıahat kúndeligin Feısbýktegi paraqshada jarııalap otyrdy.
Halyqaralyq joba «Rýhanı jańǵyrý» baǵdarlamasy aıasynda, «Anashym» kózi kórmeıtin múgedek balalar men jastarǵa kómek kórsetý qorynyń qoldaýymen júzege asty.
