Zaǵıp jandar qoǵamdastyǵy Petropavl túzetý mekemesinde kontsert ótkizdi
ASTANA. QazAqparat - Oblys ortalyǵynyń zaǵıp jandar qoǵamdastyǵy kórkemónerpazdar úıirmesiniń músheleri alǵash ret ES-164/3 (SQO, Petropavl q, jalpy rejim) túzetý mekemesinde kontsert qoıdy.
Bul týraly Soltústik Qazaqstan oblysy boıynsha qylmystyq atqarý júıesi departamentinen habarlady.
«Petropavl qalasynyń zaǵıp jandar qoǵamdastyǵynyń ókilderi eski ánderdi oryndady. Múmkindigi shekteýli jandar jazasyn óteýshilerge ata-ana úıi, otbasy jáne jaqyn jandar týraly ánder aıtty», - dep atap ótti ES-164/3 túzetý mekemesiniń psıhologi Tatıana Romanenko.
«Mundaı kezdesýler sottalǵandar úshin pozıtıvti kóńil-kúı beredi. Bostandyǵynan aıyrylýymen baılanysty psıhologııalyq jáne moraldyq qıyndyqtardan ótýge septesedi», - dep qosty ol.
