Zabaıkale óńirinde bolǵan jol apatynan qaza tapqandar sany 14 adamǵa jetti
ASTANA. QazAqparat - Zabaıkale óńirinde iri jol-kólik apatyna ushyraǵan avtobýs júrgizýshisi aýrýhanada jan tapsyrdy, apattyń saldarynan qaza tapqandar sany 14-ke jetti, dep habarlaıdy RIA Novostı óńirlik densaýlyq saqtaý basqarmasynyń ókiline silteme jasap.
«13 maýsym kúni jergilikti ýaqytpen saǵat 09.15-te Petrovsk-Zabaıkale ortalyq aýdandyq aýrýhanasynyń jan saqtaý bóliminde on tórtinshi zardap shekken azamat qaıtys boldy», - dedi agenttiktiń derekkózi.
Sondaı-aq ol, taǵy bir áıeldiń aýrýhanada ekendigin jáne onyń jan saqtaý bóliminde aýyr halde jatqandyǵyn aıtty.
Іri jol apaty osy jensenbide «Baıkal» federaldy tasjolynyń 702 shaqyrymynda boldy - Krasnyı Chıkoı kentinen Chıtaǵa bara jatqan avtobýs aýdarylyp ketken. Kólikte qajylyqqa bara jatqan 51 adam bolǵan. Oqıǵa saldarynan 36 jolaýshy zardap shegip, olar túrli deńgeıdegi jaraqat alǵan.
