Іz-túzsiz joǵalǵan kókshetaýlyq áıeldi óltirýi múmkin kúdikti ustaldy

KÓKShETAÝ. KAZINFORM – Kókshetaýda iz-túzsiz joǵalǵan jergilikti turǵyn 33 jastaǵy áıeldiń denesi tabyldy, polıtsııa osy qylmysqa qatysy bar kúdiktini ustady.

Aqmola oblysy Polıtsııa departamenti baspasóz qyzmetiniń málimetinshe, joǵalǵan áıeldiń denesin tabý deregi boıynsha Qylmystyq kodekstiń 99-babynyń 1-bóligi (kisi óltirý) boıynsha sotqa deıingi tergeý amaldary qolǵa alyndy.

«Kúdikti anyqtalyp, ustaldy. Qylmystyq protsessýaldyq kodekstiń 201-babyna sáıkes ózge aqparat jarııa etilmeıdi», - dep túsindirdi vedomstvodan.

Aıta ketsek, Kókshetaý qalasynyń 33 jastaǵy turǵyny osy jyldyń 4 shildesinde úıinen shyǵyp, belgisiz baǵytta ketip qalǵan. Sol kúni oǵan izdeý jarııalanyp, polıtsııa men eriktiler izdestirdi.

Eske salaıyq, Aqmola oblysynda Reseı azamatyn óltirgen kúdikti ustaldy.