Z. Ibragımovıch bıylǵy «Altyn dopty» Santa-Klaýsqa berýdi usyndy
ASTANA. 2 qańtar. QazAqparat - Fýtbol alańynda jáne odan syrt jerlerde óziniń qalypqa sımaıtyn qylyqtarymen aty shyqqan Shvetsııa quramasynyń shabýylshysy Zlatan Ibragımovıch úzdik jyl fýtbolshysyna beriletin «Altyn dop» júldesin Santa-Klaýsqa bere salýdy usyndy.
«Altyn dop» syılyǵyna úmitkerler tiziminde bolǵan Ibragımovıch, júldege úmitker úshtikke ilige almaı qalǵan soń osyndaı «jomarttyq tanytty». Endi júldege tek Lıonel Messı, Krıshtıaný Ronaldý jáne Frank Rıberı talasatyn bolady.
«Altyn dopqa» kelsek, meniń oıymsha úsh úmitker de bul syılyqqa laıyq, sol úshin «Altyn dopty» Santa-Klaýs alýy kerek», - deıdi Ibragımovıch. Bul týraly goal.com saıtyna silteme jasap «Qazaqstan» ulttyq arasy habarlaıdy.
