Z.Dııas Indıan-Ýells týrnırinde álemniń birinshi raketkasy S. Ýılıamspen kezdesetin boldy
ASTANA. QazAqparat - Qazaqstannyń birinshi raketkasy AQSh-tyń Indıan-Ýells qalasynda ótip jatqan iri halyqaralyq týrnırdiń úshinshi aınalymyna shyqty.
Chempıonat.kom saıtynan alynǵan málimetke qaraǵanda, Zarına horvatııalyq Donna Vekıchti 6:3, 6:3 esebimen utty. Bıyl osymen Z.Dııas D.Vekıchti ekinshi ret jeńip otyr.
Qazaqstandyq tennısshi úshinshi aınalymda álemniń birinshi raketkasy, ataqty amerıkandyq Serena Ýılıamspen sheberlik baıqasady. Ol búgin rýmynııalyq Monıka Nıkýleskýdi 7:5, 7:5 esebimen utty.
Aıta keteıik, júlde qory 5,4 mln. AQSh dollaryna jýyqtaıtyn osy týrnırdiń úshinshi aınalymyna shyǵý úshin taǵy bir qazaqstandyq tennısshi ıÝlııa Pýtıntseva búgin serbııalyq, álemniń altynshy raketkasy Ana Ivanovıchpen kezdesedi.
