Z.Dııas álemdik reıtıngtiń kóshbasshysy S.Ýılıamske ese jiberdi
ASTANA. QazAqparat - Maıamı qalasynda (AQSh) tennısten ótip jatqan iri halyqaralyq týrnırde qazaqstandyq Zarına Dııas úshinshi aınalymda álemniń birinshi raketkasy, ataqty amerıkalyq Serena Ýılıamspen kúsh synasty.
Shampionat.com saıtynyń habarlaýynsha, bul tartysty básekede Serena 7:5, 6:3 esebimen jeńiske jetti.
Bul - qos tennısshiniń ekinshi kezdesýi. Ótken jyly Indıan-Ýells týrnırinde S.Ýılıams 6:2, 6:0 esebimen utqan bolatyn. S.Ýılıams Maıamıde shırek fınalǵa shyǵý úshin reseılik tennısshi Svetlana Kýznetsovamen sheberlik baıqasady.
Zarınanyń júlde qory 6,1 mln dollardan asatyn Maıamı jarysynyń úshinshi aınalymyna deıin jetip, álem chempıonatymen teń sanalatyn «úlken dýlyǵa» týrnırin 21 ret utyp alǵan atyshýly tennısshimen taıtalasýyn jaqsy tabys deýge bolady. 2015 jyly qazaqstandyq tennısshi Maıamı týrnıriniń ekinshi aınalymynan asa almaǵan edi. Qazir dúnıejúzilik kóshte 97-inshi orynda turǵan Zarına Dııastyń bıylǵy týrnırden keıin reıtıngisi joǵarylaıtyny anyq.
