Z.Dııas álemdik reıtıngte 85-inshi orynǵa kóterildi
ASTANA. QazAqparat - Áıelder tennısi qaýymdastyǵynyń jańartylǵan reıtınginde qazaqstandyq Zarına Dııas 93-inshi orynnan 85-inshi satyǵa kóterildi.
Bul - jıyrma jasar qazaq qyzy úshin ázirge eń joǵary kórsetkish. Bıyl dúnıejúzindegi alǵashqy júzdiktiń qataryna engen Zarına tabysty oıynyn jalǵastyryp keledi. Ótken aptada Malaızııada ótken iri týrnırde shırek fınalǵa deıin jetken qazaq tennısshiniń jolyn álemniń onynshy raketkasy, slovakııalyq Domınıka Tsıbýlkova ǵana bógeı aldy.
Jýyrda Vesti.kz saıtyna bergen suhbatynda Z.Dııas jyldy álemniń úzdik otyz raketkasy qatarynda aıaqtaýǵa umtylyp otyrǵanyn málimdedi. Taıaýda ol Frantsııada, sodan keıin Rımde óner kórsetpek.
