Z.Dıas QR Prezıdentine álemniń úzdik 10 tennısshisi qataryna kirýge ýáde berdi

ASTANA. QazAqparat - Búgin Aqordada Memleket basshysy Nursultan Nazarbaevtyń Qazaqstannyń áıelder qaýymy ókilderimen «Kóktem shýaǵy» atty kezdesýi barysynda tennısshi Zarına Dıas Elbasyna álemniń úzdik 10 tennısshisi qataryna kirýge ýáde berdi.

«Birde men sizdiń oıynyńyzdy tamashaladym. Al odan keıin tennısti, golf pen taý shańǵysyn nasıhattaǵan suhbatyńyzdy oqydym. Jalpy, salaýatty ómir saltyn ustanýda men Sizdi úlgi tutamyn. Men álemniń kóptegen elderinde bolyp, qatarlastarymmen aralasyp turamyn. Sondyqtan jastar úshin Qazaqstannan artyq el joq ekendigine kózim anyq jetedi. Tennısshi retinde Sizdiń bekhendińiz Rafael Nadaldiń bekhendine uqsas ekendigin atap ótkim keledi. Men álemniń úzdik on tennısshisi qataryna kirip, Ýımbldondy jeńip alý úshin tynymsyz jattyǵatyndyǵyma ýáde beremin. Barlyq jeńisterimdi Sizge arnaımyn», - dedi Z.Dıas.