«ıÝventýs» barlyq eýrokýboktardan dıskvalıfıkatsııalandy

ASTANA. QazAqparat – ÝEFA Italııanyń Týrın qalasynyń «ıÝventýs» klýbyn barlyq eýropalyq jarystardan bir jylǵa shettetý týraly túpkilikti sheshim qabyldady. Bul týraly klýbtyń resmı saıtyna silteme jasap Championat.com jazdy, dep habarlaıdy QazAqparat.

Osylaısha «ıÝventýs» Konferentsııa lıgasy – 2023/2024 oıyndarynan tys qalyp otyr. Budan bólek, 20 mln eýro kóleminde aıyppul tóleýge mindetteldi.

Eske salaıyq, Týrın komandasyn eýrokýboktardan shettetýge sebep – ÝEFA 2022 jyldyń jeltoqsan aıynda bastaǵan tekserýlerdiń nátıjesi. Onda daý týdyrǵan klýbtyń balans esepteri qaralyp, qarjylyq feır-pleı erejeleriniń buzylǵany anyqtalǵan.

«ıÝventýs» ótken maýsymda chempıonatta 62 upaı alyp, jetinshi orynǵa ornalasqan bolatyn. Týrındik komanda Konferentsııa lıgasy – 2023/2024-te oınaýy tıis edi. Chempıonat barysynda olardan 10 upaı alynyp tastaldy. Komanda Chempıondar lıgasynan toptyq kezeńde shyǵyp qaldy. Eýropa lıgasynda jartylaı fınalǵa deıin jetti. Al Italııa kýbogynda jartylaı fınal satysynda ónerin aıaqtady.