ıÝrıı Pıa Qyzylordada júrekke ashyq ota jasady
QYZYLORDA. QazAqparat - «Ulttyq ǵylymı kardıohırýrgııalyq ortalyǵy» AQ dırektory, professor, Qazaqstannyń Eńbek Eri ıÝrıı Pıa, «Ulttyq neırohırýrgııa ortalyǵy» AQ Basqarma Tóraǵasy, medıtsına ǵylymdarynyń doktory, professor, «Qazaqstannyń eńbek sińirgen qaıratkeri», Qazaqstannyń Eńbek Eri Serik Aqsholaqov Qyzylorda oblysynyń densaýlyq saqtaý salasynyń qyzmetkerlerimen kezdesti. Bul týraly QazAqparat HAA tilshisi oblystyq densaýlyq saqtaý basqarmasyna silteme jasap habarlady.
Olar Memleket basshysynyń tapsyrmasy boıynsha «Ult Jospary - bes ınstıtýttyq reformany» júzege asyrý jónindegi «100 naqty qadamnyń» aıasynda, mindetti áleýmettik medıtsınalyq saqtandyrýǵa baılanysty týyndaǵan saýaldarǵa keńinen toqtalyp ótti. Salanyń sońǵy jańalyqtarymen bólisip, medıtsınadaǵy álemdik tájirıbelerdi tilge tıek etti. 
Sonymen qatar, ıÝrıı Pıa 59 jastaǵy qyzylordalyq naýqastyń júregine jańashyl ota jasasa, Serik Aqsholaqov 15 naýqasqa keńes berdi.
Shara sońynda, Eńbek Erleri «Qyzylorda oblystyq medıtsına ortalyǵynyń Qurmetti músheligine» qabyldandy.
«Qurmetti múshelikke» qabyldanǵan altyn qoldy dárigerler aldaǵy ýaqytta oblystyq medıtsına ortalyǵyna turaqty túrde áriptestik qoldaý jasaıtyndyqtaryn málimdedi.
