ıÝrıı Pıa: Qazaqstan - pandemııaǵa qaramastan transplantatsııa jasap jatqan Ortalyq Azııadaǵy jalǵyz memleket

NUR-SULTAN. QazAqparat – Koronavırýs pandemııasy saldarynan bar álem oqshaýlanýǵa májbúr boldy. Bul ekonomıka, bilim berý, densaýlyq saqtaý syndy birqatar salanyń jumysyna yqpal etti. Osy oraıda QR Ulttyq kardıohırýrgııalyq ortalyǵynyń basqarma tóraǵasy ıÝrıı Pıa karantınde donorlyq jumystyń qandaı máselelerge tap bolǵanyn aıtyp berdi, dep habarlaıdy QazAqparat tilshisi.

Onyń aıtýynsha, Qazaqstan - pandemııaǵa qaramastan transplantatsııa júrgizip jatqan Ortalyq Azııadaǵy jalǵyz memleket.

«Karantın kezinde bizde ǵana emes, barlyq álemde transplantatsııa kólemi azaıdy. Keı elderde donorlyq jumysy múldem toqtatylǵan. Eýropa elderi ortaq jeli quryp, yqtımal donorlar týraly derekter bankin qurdy. Osylaısha, organ muqtajdyǵyn joıyp, tıimdi jumys istep jatyr. Al biz - Ortalyq Azııada júrek pen ókpe almastyratyn jalǵyz elmiz. Mundaı otany tek Qazaqstan ishinde ǵana jasaı alamyz. Organdardy ózge elden jetkize almaımyz jáne ózimiz de jibere almaımyz. Sondyqtan bizde qaıtys bolǵan adamnan organ alý jumystary óte az júrgiziledi», - dedi ıÝrıı Pıa kardıohırýrgııalyq ortalyqta ótken baspasóz máslıhatynda.

Dáriger 2012 jyldan beri Qazaqstanda júrek almastyrýda 81 ota jasalǵanyn aıtty.

«Bul - óte az kórsetkish. Kún saıyn adamdar jol apatynan, óndiriste nemese mıǵa qan quıylyp qaıtys bolady. Osylaısha, yqtımal donorlar sany kóp bolady. Alaıda, olardyń jaqyndary men týystary kóp jaǵdaıda transplantatsııaǵa ruqsat bermeıdi. (...) Halyqaralyq statıstıkada 1 mln adamda 10 júrek almastyrylady. Bizdiń elimizde jylyna shamamen 180 júrek aýystyrý suranysy bar. Al biz mundaı otalardy jylyna 10 ret qana jasaımyz. Tiri donordan kóp jaǵdaıda naýqastyń týystarynan búırek nemese baýyrdyń bir bóligi alynady. Al júrek pen ókpe tek qaıtys bolǵandardan alynady», - dedi ıÝrıı Pıa.

Eske sala ketsek, Pavlodarda ınsýltten kóz jumǵan er adamnyń aǵza músheleri 5 adamǵa sátti aýystyryldy. Júrek 35 jastaǵy er adamǵa berilse, ókpe - 41 jastaǵy áıelge jańa ómir syılady. Odan bólek, qos búıregi elordanyń taǵy bir ortalyǵynda eki naýqasqa sátti ornalastyryldy. Al baýyr Almatydaǵy naýqasqa jiberildi .

Sonymen birge, dáriger alkogol men shylym tutynǵan, koronavırýspen aýyrǵan adamdardyń donorlyǵy týraly aıtyp bergen edi .