ıÝrıı Pıa bes adamnyń ómirin qutqarǵan donor týraly aıtyp berdi
Buǵan deıin ınsýltten qaıtys bolǵan er adamnyń aǵza músheleri 5 adamǵa sátti aýystyrylǵany habarlanǵan edi .
«30 jastaǵy er adamnyń mı tamyrlary jarylyp, Pavlodar qalasynyń №1 aýrýhanasyna túsken. Saldarynan mıǵa óte kóp qan quıylǵan jáne jumysy nasharlaǵan. Oǵan deıin marqum joǵary qan qysymymen aýyrǵan, gıpertonııalyq qysymy bolǵan. Shamasy ózi aýrýdy elep-eskermeı júre bergen bolýy kerek», - dedi ıÝrıı Pıa kardıohırýrgııalyq ortalyqta ótken baspasóz máslıhatynda.
Dárigerdiń sózine qaraǵanda, 2019 jyldyń tamyzynan beri qaıtys bolǵan adam organdarynan transplantatsııa jasalmaǵan. Sondyqtan ol marqumnyń aǵza múshelerin alýǵa kelisim bergen týystary men jaqyndaryna 5 adamǵa jańa ómir syılaǵany úshin alǵys aıtty.
«Bizdiń ortalyqta marqumnyń júregi men ókpesi eki naýqasqa salyndy. Júrek 35 jastaǵy er adamǵa berilse, ókpe - 41 jastaǵy áıelge jańa ómir syılady. Odan bólek, qos búıregi elordanyń taǵy bir ortalyǵynda eki naýqasqa sátti ornalastyryldy. Al baýyr Almatydaǵy naýqasqa jiberildi. Osylaısha, karantın jaǵdaıyna qaramastan, 5 adamǵa sátti ota jasaldy», - dedi ıÝ. Pıa.