ıÝrıı Ilın jańa jyldy qaýipsiz qarsy alý týraly aıtty

NUR-SULTAN. QazAqparat –QR Tótenshe jaǵdaılar mınıstri ıÝrıı Ilın jańajyldyq shyrshany sándeýge arnalǵan quraldardy arnaıy sertıfıkaty men satýǵa ruqsaty bar dúkennen alýǵa keńes berdi, dep habarlaıdy QazAqparat tilshisi.

«Jańa jyldyq shyrshany ornatqanda gırlıanda jáne basqa da sándik quraldardy arnaıy sertıfıkaty men satýǵa ruqsaty bar dúkennen satyp alǵan jón. Feıerverk, bengal maıshamy nemese otshashýdy ǵımarattyń ishinde atýǵa bolmaıdy. Otshashýdy turǵyn úı men adamdar aýlaq jerde atqan durys. Jáne qaýipsizdik erejerelerin saqtaǵan abzal. Sonymen qatar pırotehnıkany balalardan aýlaq ustaý kerek», - dedi ıÝ. Ilın ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, pırotehnıkany qoldaný erejesin saqtamaý, qaıǵyly jaǵdaıǵa ákelýi ábden múmkin.

«Jyl saıyn jańa jyldy qarsy alǵannan keıin pırotehnıkadan zardap shegýshilerdiń statıstıkasyn anyqtap jatamyz. Sondyqtan jańa jyl qarsańynda jeke bas qaýipsizdigin oılaǵan jón», -deıdi ol.

Buǵan deıin mınıstr bıyl elimizde 11 myńnan astam adam tótenshe jaǵdaı kezinde qutqarylǵany týraly aıtty.