ıÝrıı Ilın: TJM rezervinde Keńes zamanynan qalǵan konserviler bar degen aqparat – jalǵan

ASTANA. QazAqparat – QR Tótenshe jaǵdaılar mınıstri ıÝrıı Ilın Úkimet kýlýarynda tótenshe jaǵdaılarǵa arnalǵan memlekettik materıaldyq qordyń qalaı jańartylatynyn túsindirdi, dep habarlaıdy QazAqparat tilshisi.

«Tótenshe jaǵdaılar mınıstrliginiń memlekettik materıaldyq rezervinde Keńes zamanynyń buqtyrylǵan eti konvservileri bar» degenge saıatyn qaýeset bar. Ondaı málimetti joqqa shyǵara alasyz ba?», dep surady BAQ ókili ıÝrıı Ilınnen.

«Dári-dármek qoryna Tótenshe jaǵdaılar mınıstrligi jaýap bermeıdi. Bizdiń qurylymda memlekettik materıaldyq rezerv degen bar. Onyń ishine jumyldyrý daıyndyǵynyń jospary da, azyq-túlik qoryn ustaý da bar. Sondaı-aq, tótenshe jaǵdaılar qory bar. Tótenshe jaǵdaı jarııalanǵan kezde jergilikti atqarýshy organdar ótinish aıtsa nemese Úkimet sheshim shyǵarsa, sodan qajetti mólsherdi bólemiz», -dedi mınıstr.

Sondaı-aq, atalmysh qordaǵy zattardyń qalaı saqtalatynyn aıtty.

«Ol zattar saqtaý merzimi boıynsha jańartylyp otyrady. BAQ keıde «Tótenshe jaǵdaılar mınıstrligi memlekettik matrıaldyq rezervti jappaı satyp jatyr» degen jańsaq aqparat jazyp jatady. Bul jappaı satý emes, bul – memlekettik materıaldyq rezervti kezeń-kezeńmen jańartý.

Bizdiń qorda Keńes zamanynyń buqtyrylǵan etiniń konvservileri bar degen málimetter shyndyqqa janaspaıdy. Memleket tarapynan ol qordyń sanıtarlyq-epıdemıologııalyq jaǵdaıyna baqylaý ornatylǵan. Tótenshe jaǵdaı jarııalanyp, ol qordaǵy materıaldarǵa qajettilik týyndasa, jergilikti ákimdikter belgilegen orynnan baryp alady. ıAǵnı, qazaqstandyqtarǵa TJM bazalaryna júgirýdiń qajeti bolmaıdy», -dedi ıÝrıı Ilın.

Foto: t.me/KZgovernment