ıÝrıı Ilın TJ mamandaryn úılerine kirgizbeıtin azamattarǵa shaǵymdandy

ASTANA. QazAqparat - Elimiz boıynsha 13 myń jer úı ıesi tekserýge kelgen órtke qarsy qyzmet mamandaryn baspanalaryna kirgizbeı qoıǵan. Bul týraly búgin Úkimet otyrysynan keıingi baspasóz máslıhatynda QR Іshki ister mınıstriniń orynbasary ıÝrıı Ilın aıtty, dep habarlaıdy QazAqparat tilshisi.

«5 balanyń ólimine sebep bolǵan Astanadaǵy qaıǵyly oqıǵadan keıin TJK qyzmetkerleri júrgizetin reıdtik sharalar barynsha ózekti bolyp otyr. Búginde qoldanystaǵy zańnamaǵa sáıkes árbir azamat jer ýchaskesin alǵannan keıin bólingen sol jer aýmaǵynda úı salyp alýyna quqyly. Seısmologııalyq qaýipti aımaqtardy qospaǵanda úı jobasy ІІM Tótenshe jaǵdaılar komıtetin qosa alǵanda eshqandaı da memlekettik organdarmen kelisilmeıdi. Qazir jeke sektorda oryn alyp otyrǵan problema memlekettik organdardyń quziretine belgili bir materıaldardy usyný jáne tyıym salýdyń bolmaýynan týyndaýda»,- dedi ol.

Onyń aıtýynsha, búginde Astana aýmaǵynda 22 myńnan astam jeke turǵyn úı, 14 myńǵa jýyq saıajaı ýchaskesi jáne turǵyn úı sektory aýmaǵynda salynǵan 7 myńnan astam ýaqytsha baspana bar. Bul rette Tótenshe jaǵdaılar komıtetiniń ýaqytsha baspana qurylystaryn toqtatýǵa jáne ony paıdalanýǵa tyıym salýǵa quzireti joq. Sonyń saldarynan órt qaýipsizdigi erejelerin buzý oryn alyp jatady.

«Qyzmetkerlerimiz demalys kúnderi el boıynsha 107 myń úı ıelikterin aralap shyqty. 13 myńnan astam jaǵdaıda halyq qyzmetkerlerimizdi óz ıelikteriniń aýmaǵyna kirgizýden bas tartty. Bul bir jaǵynan azamattardyń Konstıtýtsııalyq quqyǵy. Degenmen, olardyń jasyratyn birdeńesi bolǵan dep oılaımyz. Reıdtik sharalarǵa oń qaraıtyn da turǵyndar bar», - dedi ıÝrıı Ilın.