ıÝrıı Ilın: Tótenshe jaǵdaıdy bastapqy kezeńinde aldyn alǵan jón
NUR-SULTAN. QazAqparat – Kez kelgen tótenshe jaǵdaıdy bastapqy kezeńinde-aq aldyn alǵan jón. Bul týraly QR Tótenshe jaǵdaılar mınıstri ıÝrıı Ilın aıtty, dep habarlaıdy QazAqparat tilshisi.
«Kez kelgen tótenshe jaǵdaıdy bastapqy kezeńinde aldyn alǵan durys. Sońǵy birneshe jyl boıy Úkimettiń qoldaýynyń arqasynda tótenshe jaǵdaı aımaǵynda jedel áreket etýge múmkindik beretin mototompanyń birneshe túrin, júzý quraldaryn satyp aldyq. Ózbekstanda Sardoba aýmaǵynda oryn alǵan tehnogendik apat kezinde Aqmola, Qaraǵandy, Qyzylorda oblystarynyń, Shymkent qalasynyń kúsh-quraldarynyń basym bóligin jaıylǵan sýdy sorǵytý jumystaryna jumyldyra aldyq», - dedi mınıstr.
Onyń atap ótýinshe, atalǵan tehnogendik apat saldarynan elimizdiń ońtústiginde bes eldi mekendi sý basty. Maqtaaral aýdanynyń tynys-tirshiligin qalpyna keltirý úshin respýblıkalyq bıýdjetten qomaqty qarajat bólindi.
«Buǵan qosa, bólimshelerde 1 myń adamǵa arnalǵan shatyrly lagerdi tez arada qurýǵa arnalǵan taýsylmaıtyn qor jasaqtaldy. Jyl saıyn tótenshe jaǵdaı kezinde halyq jınalatyn yqtımal pýnktterdi tekserý júrgiziledi», - dedi ıÝrıı Ilın.
