ıÝrıı Ilın: Sý tasqynymen kúreske 35 myń adam jumyldyrylady
ASTANA. QazAqparat – Kóktemgi sý tasqynymen kúreske 35 myń adam jumyldyrylady. Bul týraly Tótenshe jaǵdaılar mınıstri ıÝrıı Ilın aıtty, dep habarlaıdy QazAqparat tilshisi.
«Sý tasqyny jaǵdaıynyń yqtımal asqynýlaryna jedel den qoıý maqsatynda 35 myńnan astam adam, shamamen 11 myń tehnıka, 12 Qazavıaqutqarý áýe kemeleri, 700-den astam júzý quraldary jáne 3 myńnan astam motopompa bar kúshter men quraldar toptamasy qalyptastyryldy», - dedi ol.
Mınıstrdiń atap ótýinshe, óńirlerdiń sý tasqynyna ázirlik dárejesi Qaraǵandy qalasynda basqarma shtabymen birge «Kóktem-2023» respýblıkalyq komandalyq-shtabtyq oqý-jattyǵý barysynda tekseriletin bolady.
«1 aqpannan 1 naýryzǵa deıin «Qazgıdromet» RMK naqty boljam jasaıdy. Osyny eskere otyryp, mınıstrliktiń kúshteri men quraldaryn ýaqtyly jetkizý úshin toptamalaryn túzetemiz jáne qajet bolǵan jaǵdaıda rezervtik toptar engizemiz», - dedi ıÝrıı Ilın.
