ıÝrıı Ilın Shyǵys Qazaqstandaǵy sý basý qaýpi bar aýmaqtardy áýeden barlady
ÓSKEMEN. QazAqparat – QR Tótenshe jaǵdaılar mınıstri ıÝrıı Ilın Shyǵys Qazaqstan oblysyndaǵy sý basý qaýpi bar aýmaqtardy áýeden barlady, dep habarlaıdy QazAqparat tilshisi.
ıÝrıı Ilın Shyǵys Qazaqstandaǵy jumys saparynyń ekinshi kúninde óńirdegi sý tasqyny qaýpi bar aýmaqtardy áýeden barlaý júrgizdi.
«Áýeden sholý nátıjesinde Buqtyrma sý qoımasy mańyndaǵy Barlyq, Korobıha, Sennoe, Bykovo, Bogatyrevo, Maleevsk, Pýtıntsevo, Zýbovsk, Turǵysyn, Parygıno men Snegırevo eldi mekenderindegi jaǵdaıǵa monıtorıng jasaldy. Qazirgi tańda jaǵdaı qalypty. Seń júrýi baıqalmady. Sondaı-aq ıÝrıı Ilın Buqtyrma ózenindegi muz jarý jumystaryn tekserdi. Ondaǵy usaqtalǵan muz aýdany 13000 tekshe metrdi qurady. Qazirgi ýaqytta ózendegi muz qalyńdyǵy – 70 sm», - dep habarlady ShQO Tótenshe jaǵdaılar departamentiniń baspasóz qyzmeti.
Barlaý qorytyndysy boıynsha ıÝrıı Ilın Shyǵys Qazaqstandaǵy tońnyń qatýy 1,5 metrge, jazyqtyqtaǵy qardyń bıiktigi 90 sm deıin, al taýly aýdandarda 1,5- 2 metrge deıin jetýine baılanysty birqatar eldi mekendi sý basý qaýpi bar degen sheshimge keldi. Óńirde sý tasqyny qaýpi týyndaǵan jaǵdaıda jergilikti atqarýshy organdarmen birlesip áreket etetin toptar qurylǵan. Onyń quramynda 3 myń adam, 24112 birlik tehnıka jáne 370 motopompa bar. Budan bólek, 108 evakýatsııalyq beket daıyndalǵan.
«Kóktemi sý tasqyny - jaýapty da kúrdeli kezeń. Bizdiń mindetimiz – halyqty qarǵyn sýdan qorǵap, shyǵyndy barynsha azaıtý. Turǵyndarǵa túsindirý jumystaryn júrgizip, jaǵdaıdyń ózgergendigi týraly jedel habardar etý. Azamattar óz úıleriniń mańaıyn jáne aryqtardy tazalaý boıynsha ýaqtyly sharalar qabyldaýy tıis», - dedi mınıstr.
