ıÝrıı Ilın Qostanaı oblysyndaǵy órtti sóndirý týraly: Kúsh jetkilikti

QOSTANAI. QazAqparat – Qostanaı oblysyndaǵy órtke sý tasıtyn kólikter tartylýy múmkin. Prezıdent Qasym-Jomart Toqaevqa jaǵdaıdy baıandaǵan QR Tótenshe jaǵdaılar mınıstri ıÝrıı Ilın osyndaı málimet aıtty, dep habarlaıdy QazAqparat tilshisi.

«Qazirgi tańda 5 ýchaskede órt sóndirý jumystary belsendi júrip jatyr. Buǵan deıin baıandaǵanymdaı, negizgi ýchaskelerdegi eldi mekenderden 1800-den astam adam qaýipsiz jerge kóshirildi. Dál qazir evakýatsııalaý oryndarynda 66 adam bar. Qalǵandary ne qaýip seıilgendikten úılerine qaıtty, ne týystarynda turyp jatyr»,- dedi vedomstvo basshysy Qostanaı oblysynda bolǵan órtti sóndirý jónindegi shuǵyl áreket etý shtabynyń otyrysynda.

Málim bolǵandaı, Tótenshe jaǵdaılar, Іshki ister jáne Qorǵanys mınıstrlikteri men Orman sharýashylyǵy komıtetiniń ókilderinen, belsendilerden quralǵan eki myńnan astam adam órt sóndirýge jumyldyrylǵan.

«Qazirgi tańda 6 ushaq órt sóndirý jumystaryna tartylǵan. Onyń tórteýi Tótenshe jaǵdaılar mınıstrligine, ekeýi Qorǵanys mınıstrligine tıesili, kúsh jetkilikti. Tek qazir sý kózderin izdeýde qıyndyqtar sezilýde. Qajet bolsa, sý tasıtyn kóliktermen qosymsha sý jetkizemiz. Óıtkeni aǵash basyndaǵy jalyndy meılinshe tejeý úshin tikushaqtardy ýaqtyly sýmen qamtamasyz etý kerek. Osylaısha sanaýly kúnderdiń ishinde órtti tolyqtaı aýyzdyqtaý josparlanyp otyr»,-dedi mınıstr.

Vıdeodan alynǵan kadr/t.me/QazAqparat_kz