ıÝrıı Ilın Qostanaı oblysynda sý basqan aýyldyń jaǵdaıy týraly aıtty
NUR-SULTAN. QazAqparat – QR Іshki ister mınıstriniń orynbasary ıÝrıı Ilın sý basqan Qostanaı oblysyndaǵy aýyldyń jaǵdaıyn aıtty, dep habarlaıdy QazAqparat tilshisi.
«Qazirgi kezde qardyń qarqyndy erýi Aqmola oblysynda baıqalyp otyr. Bul turǵyda Jabaı ózeni mańy, Atbasar aýdany aýmaǵyn atap ótken jón. Osy oraıda sýdyń birtindep kóterilýi baıqalýda», - dedi ıÝ. Ilın.
Sonymen qatar ol elimizdegi óńirlerdiń basym bóliginde, onyń ishinde Qaraǵandy jáne Pavlodar oblystary aýmaǵynda qar erip ketkenin jetkizdi.
Budan bólek, ıÝ. Ilın Qostanaı oblysyndaǵy Qarasý aýdanynda sý basqan aýyldyń jaǵdaıyna toqtaldy.
«Qostanaı oblysynda sý basqan aýyl bar, ıaǵnı Qarasý aýdanyndaǵy aýylda 60-qa tarta úı aýlasynda sý deńgeıi kóterildi. Keshe atalǵan úılerden evakýatsııalaý júrgizildi. Tıisti jumystar atqaryldy. Osy oraıda 30-ǵa jýyq úıdiń turǵyndary óz baspanasyna kire alady. Meniń oıymsha, erteń keshke qaraı atalǵan eldi mekenge qatysty qaýipti joıý múmkin bolady», - dedi mınıstrdiń orynbasary.
