ıÝrıı Ilın «Qazavıaqutqarý» ushqyshtarynyń jumystan ketýge jappaı ótinish berýine pikir bildirdi

ASTANA. QazAqparat – Tótenshe jaǵdaılar mınıstri ıÝrıı Ilın «Qazavıaqutqarý» ushqyshtarynyń jumystan ketýge jappaı ótinish berýine qatysty pikir bildirdi, dep habarlaıdy QazAqparat tilshisi.

Májilistiń jalpy otyrysynan keıin BAQ ókilderiniń saýalyna jaýap bergen ol qazirgi ýaqytta barlyq 23 ótinish boıynsha qyzmettik tekserý júrgizilip jatqanyn atap ótti.

«Talap pen narazylyq jalaqyǵa da baılanysty boldy. Biraq qazirgi ushqyshtar quramy, onyń ishinde atalǵan ushqyshtar da jalaqy alyp otyrdy jáne ushýlar júzege asyrǵany úshin qomaqty aqshalaı qarajat aldy. Ushqyshtardyń bir jyl ishindegi tabysy 20 mln teńgeden asyp túsedi. Menińshe, azamattyq avıatsııada, onyń ishinde Qorǵanys mınıstrliginiń qurylymdyq bólimshelerinde mundaı jalaqymen kez kelgeni maqatana almaıdy», - dedi mınıstr.

Ol ushqyshtardyń jumys jaǵdaıyna qatysty shaǵymdaryna da toqtaldy.

«Barlyq ýaqytta quramnyń turatyn jáne ornalasqan jeri besjuldyzdy qonaq úı talaptaryna saı bolýy tıis emes. Ár jaǵdaıdy jeke qarastyramyz. Kóptegen ushqysh ózderin «Qudaı jáne patsha» sanaıdy. Ushqysh ushyp kele jatqanda ǵana «Qudaı jáne patsha». Ol áýe kemesiniń bortynda ózimen birge qandaı laýazymdy tulǵa ushyp kele jatsa da sheshim qabyldaýǵa quqyly. Borttyń tehnıkalyq jaı-kúıine nemese aýa raıy jaǵdaıyna baılanysty ushýdy ne ushpaýdy ózi sheshedi. Al jerde ol TJM qyzmetkeri jáne óziniń qyzmettiń mindetin oryndaýy tıis», - dedi ıÝrıı Ilın.

Onyń atap ótýinshe, tekserý qorytyndysynda sheshim qabyldanatyn bolady. Al ázirshe ushqyshtardyń eshqaısy jumystan shyqqan joq.