ıÝrıı Ilın: Qatań sógis - obektıvti
ASTANA. QazAqparat - QR Іshki ister mınıstriniń orynbasary ıÝrıı Ilın Úkimet basshysynyń búgingi synynyń ádil bolǵanyn aıtty, dep habarlaıdy QazAqparat tilshisi.
«Jazaǵa qatysty aıtar bolsam, kez kelgen memlekettik qyzmetshiniń nemese pogon taǵyp júrgen adamnyń basshylyq sheshimine syn aıtýǵa quqy joq. Alǵan eskertýimiz ben qatań sógisimiz obektıvti dep sanaımyn. Soǵan saı sharalar qabyldanatyn bolady. Árıne, baǵynyshtylardy jazalaý emes, qaıta aldaǵy ýaqytta mundaı oqıǵalarǵa jol bermeý, ony odan ary tómendetý tetikterin ázirleý turǵysynda», - dedi ol Úkimet otyrysynan keıingi baspasóz máslıhatynda BAQ ókilderiniń saýalyna oraı.
Sonymen qatar ol tótenshe jaǵdaılar qyzmetkerlerine baǵany halyq ta beretindigin basa aıtty.
«Baǵany bizge tek qyzmetkerler ǵana emes, halyq ta beredi dep oılaımyn. Jumystardyń basym bóligin qatardaǵy qyzmetkerler atqaratyndyǵyn barlyq jaýapkershilikpen aıta alamyn. Biz tirkep otyratyn qutqarylǵan ómir sany - bul kómek kórsetken adamdardyń eń joǵary baǵasy», - dedi ıÝ.Ilın.
Esterińizge sala ketsek, búgin Úkimet otyrysynda Premer-Mınıstr Baqytjan Saǵyntaev QR Іshki ister mınıstriniń orynbasary ıÝrıı Ilınge sógis jarııalaý jónindegi usynysty Prezıdent ákimshiligine engizýdi tapsyrǵan bolatyn.
Sonymen qatar Úkimet basshysy Tótenshe jaǵdaılar komıtetiniń tóraǵasy Vladımır Bekkerge jáne Astana qalalyq tótenshe jaǵdaılar departamentiniń mindetin atqarýshy Marǵulan Amanbaevqa qatań sógis jarııalady. Al Tótenshe jaǵdaılar komıteti tóraǵasynyń orynbasary Barat Duzaqbaevty qyzmetinen bosatty.
