ıÝrıı Ilın elorda kóshelerin sý basý máselesine qatysty pikir bildirdi
NUR-SULTAN. QazAqparat – QR Tótenshe jaǵdaılar mınıstri ıÝrıı Ilın Nur-Sultan qalasy kóshelerin qalyń jaýyn-shashyn kezinde sý basý máselesine qatysty túsinik berdi, dep habarlaıdy QazAqparat tilshisi.
«Qalanyń aýmaǵy, turǵyndary men qurylys sany jyl sanap artyp keledi. Elorda turǵyny retinde qalyń jaýyn-shashyn kezinde syr beretin kárizderdiń jumysyna qatysty shaǵymmen kelisemin. Bizde bar málimetke sáıkes, qalalyq ákimdik jaýyn-shashyn kárizderiniń sanyn arttyrý baǵytynda shara qoldanyp jatyr», - dedi ıÝ. Ilın Ortalyq kommýnıkatsııalar qyzmeti alańynda ótken baspasóz máslıhatynda.
Sondaı-aq, mınıstr qurylys jobasyn josparlaǵan kezde jaýyn-shashyn kárizderi máselesin esten shyǵarmaý kerektigin aıtty.
«Bul jerde máseleni sáýletshiler men qurylys kompanııalarynyń aldyna qoıý kerek. Turǵyn úı, ǵımarattardy turǵyzar kezde káriz jelisiniń qalaı júretinin aldyn ala josparlaǵan jón. Al eger bizdiń vedomstvonyń jumysyna qatysty máselege kelsek. Sý tasqyny qaýpiniń aldyn alý maqsatynda qala ishinen ótetin Esil ózeniniń arnasy keńeıtilip, tereńdetý jumysy júrgizildi», - deıdi ol.
Buǵan deıin atalǵan vedomstvo basshysy úıin sý basqan turǵyndarǵa ótemaqy tólene me degen saýalǵa jaýap berdi.
Odan bólek, brıfıng kezinde elimiz boıynsha sý basý qaýpi bar óńirler ataldy.
