ıÝrıı Ilın Aqmola oblysyndaǵy sý tasqyny qaýpi bar ýchaskelerdi aralady

AQMOLA OBLYSY. QazAqparat - Tótenshe jaǵdaılar mınıstri Aqmola oblysynyń Arshaly jáne Tselınograd aýdandaryn aralap shyqty, dep habarlaıdy QazAqparat vedomstvonyń baspasóz qyzmetine silteme jasap.

Baspasóz qyzmeti taratqan málimetke sáıkes, ıÝ. Ilın Esil ózenindegi, Astana sý qoımasyndaǵy, Astana kontrrettegishindegi, Jibek Joly aýylyndaǵy, 42-razezdegi jaǵdaımen tanysty.

Bul aýmaqtardy qar basyp jatyr. Astana sý qoımasy men Esil ózeniniń akvatorııasynda muz áli erimegen. Sý qoımasynda aǵys baıqalmaıdy. Muz jyljý qaýpi ázirshe joq.

«Qazgıdromet» RMK ǵaryshtyq monıtorınginiń derekteri boıynsha respýblıkada qar jamylǵysynyń aýdany – 45%. Qazir Qaraǵandy jáne Batys Qazaqstan, Aqtóbe, Shyǵys Qazaqstan, Pavlodar oblystarynyń ońtústik aýdandary men Qyzylorda, Mańǵystaý, Atyraý, Almaty, Jambyl, Túrkistan oblystarynyń barlyq derlik aýmaǵynda qar jamylǵysy joq.

Buǵan deıin «Qazgıdromet» aldaǵy táýlikte kún 28 gradýsqa deıin jylynyp, 8 óńirde ózen sýy kóteriletinin boljady.