ıÝrı Ratas: Estonııa úshin Qazaqstanmen yntymaqtastyqtyń keleshegi zor
ASTANA. QazAqparat - Búgin Astanadaǵy bıznes-forýmda sóz sóılegen Estonııa Premer-Mınıstri ıÝrı Ratas Qazaqstanmen yntymaqtastyq keleshegine toqtaldy. Sonymen qatar, ol Qazaqstan Úkimetiniń basshysy Baqytjan Saǵyntaevpen ekijaqty kezdesýdegi áńgimesin de erekshe atap ótti, dep habarlaıdy QazAqparat tilshisi.
«Birinshiden, búgin Qazaqstan Premer-Mınıstrimen ekijaqty kezdesýim óte tıimdi ári jemisti bolǵanyn atap ótkim keledi. Biz Qazaqstan men Estonııa yntymaqtastyǵynyń túrli aspektilerin talqyladyq. Tsıfrlandyrý, bilim berý men aýyl sharýashylyǵy týraly áńgimelestik. Sonymen qatar, Qazaqstan men Estonııa arasyndaǵy qarym-qatynastar baǵytyndaǵy «Bir beldeý, bir jol» bastamasy týraly da sóz qozǵadyq. Álbette, Estonııa bul bastamaǵa qatysýǵa qyzyǵýshylyq bildiredi, óıtkeni bul eki eldi temirjoldar arqyly baılanystyrady», - dep atap ótti ıÝ. Ratas bıznes-forým barysynda.
Onyń aıtýynsha, Qazaqstan men Estonııanyń yntymaqtastyǵy keleshek qarym-qatynastar úshin de zor áleýetke ıe.
«18 mln halqy bar Qazaqstan óte úlken el, munaı ken oryndaryna da baı, mańyzdy saýda baılanystaryna da ıe. Estonııa halyq sany az, shaǵyn memleket. Osyndaı ártúrli aıyrmashylyqtarymyz bolǵanyna qaramastan, bizdiń ortaq múddelerimiz de barshylyq. Ekijaqty ekonomıkalyq ózara baılanysty keńeıtýge múmkindigimiz mol, bular ásirese IT, kólik, logıstıka, aýyl sharýashylyǵy jáne ekologııalyq tehnologııalar, qaldyqtardy basqarý salalarynda basymdyqqa ıe dep oılaımyn. Bul baǵyttaǵy tizim ýaqyty kelgen saıyn keńeıe túsedi degen senimdemin», - dedi Estonııanyń Úkimet basshysy.
Sóz arasynda mártebeli meıman Astana Hub-ty aralap kórgisi keletinin de jetkizdi.
«Men Qazaqstan Úkimetiniń jeke sektormen birlese otyryp meılinshe saralanǵan jáne zamanaýı ekonomıkalyq model baǵytyn qalyptastyrýǵa qatysty úlken saıası erik-jigerin baıqap otyrmyn. Bul rette ózgeristerdi tek ákelip qana qoımaı, ony udaıy qoldaý qajettigin de túsinemin. Ekinshi jaǵynan Estonııa ekonomıkasy da eńbekti kóp qajet etetin ındýstrııadan kapıtaldy qajet etetin ındýstrııaǵa transformatsııalaý protsesinen ótip jatyr. Álbette bul dástúrli ındýstrııa quryp ketedi degen sóz emes, kerisinshe, bul olardyń tsıfrlandyrýdy, avtomattandyrý men jańa tehnologııalardy qoldana otyryp burynǵydan da tıimdi bola túsetinin qarastyrady», - dedi ıÝ. Ratas.
Eske sala ketsek, búgin elordada Digital Bridge halyqaralyq ınnovatsııalyq forým ótip jatyr
