ıÝNVTO Qazaqstandy týrızm úshin eń tartymdy el etýdiń joldaryn atady
ASTANA. QazAqparat - BUU Búkilálemdik týrıstik uıymnyń (ıÝNVTO) bas hatshysy Taleb Rıfaı Qazaqstanda týrızm salasyn damytý baǵytynda óziniń usynystaryn ortaǵa saldy, dep habarlaıdy QazAqparat.
«Týrızm - Qazaqstannyń bolashaǵy. Qazaqstan úshin bul salanyń áleýeti joǵary. Týrızmdi alǵa jyljytý úshin ne isteý kerek? Esy rette eskerýdi qajet etetin úsh negizgi pýnkti usynǵym keledi»,-dep toqtaldy Taleb Rıfaı.
Onyń pikirinshe,birinshiden, Qazaqstanǵa saparlaý jyldam, arzan ári jeńil bolýy tıis. Ol úshin sheteldikterge qazaqstandyq vızany alý sharalaryn jeńildetý kerek.
«Bul turǵyda vızany alyp tastaýdy surap otyrǵanymyz joq, biraq ta vızaǵa qol jetkizýdi qarapaıym etý kerek. Biz 100 paıyzǵa elektrondy vıza tujyrymdamasyn qoldaımyz, ıaǵnı adamdar onlaın rejimde vızaǵa ótinim bere alady. Sebebi týrıster elshilikte nemese konsýldyqta kezekte turýdy, birneshe kún boıy jaýapty kútkendi qalamaıtyny anyq. Vızaǵa elektrondy nusqada ótinim berý - ol qaýipsizdeý ári qolaıly. Bul óz kezeginde elekrondy bılet alǵanmen birdeı. Sizderdi osy máseleni zertteýge shaqyramyn. Atap aıtqanda, saıahattaýdyń qaýipsizdigi men jeńildigi birne-biri qaıshy emes, kerisinshe salany ońtaılandyrýǵa jol ashady»,-dep toqtaldy ıÝNVTO bas hatshysy.
Budan bólek ol shetel áýe reısteri sanyn arttyra otyryp, Úkimetke áýe keńistigin barynsha ashýǵa keńes berdi.
«Árıne, bir mezette barlyq áýe qatynastaryn ashý múmkin emes. Ózderińiz úshin eki-úsh jyldyq merzimdi belgilep, áýe baılanystaryn ashyq etińizder»,-dep usyndy T. Rıfaı.
Onyń sózine qaraǵanda, ekinshiden, álem elderi Qazaqstan jaıynda tolyq bile bermeıdi, sondyqtan respýblıka dúnıejúzi boıynsha ońdy ımıdjge ınvestıtsııa salýdan tartynbaýy tıis. Bul rette trýzımdi alǵa jyljytý men marketıngke ınvestıtsııany únemi baǵyttap otyrý qajet.
«Sizder ınfraqurylymǵa, áýejaılar men joldarǵa qyrýar qarjy ınvestıtsııaladyńyzdar. Endi Qazaqstannyń ımıdjin nyǵaıtýǵa ınvestıtsııa salý kerek»,-deıdi ol.
ıÝNVTO bas hatshysynyń paıymynsha, Qazaqstan strategııasynda úshinshi ekpindi qyzmetkerler quramyn oqytýǵa qoıýy tıis. Osy oraıda qajetti kýrstardy qamtamasyz etip, durys bilim berip, tıisti saıasatty qalyptastyrý kerek.
«Qazaqstan álemdegi eń úzdik týrıstik baǵyt bolýy úshin qoldaý jasaýǵa ázirmiz. Sondyqtan Qazaqstan halyqaralyq týrızmniń juldyzy bola almaıdy deýge esh negiz joq»,-dep qadap aıtty Taleb Rıfaı.
