ıÝnýs Emre Túrik mádenıet ortalyǵy «Men mektebimdi saǵyndym» atty sýret baıqaýyn ótkizedi

«2020 jyly búkil álemdi sharpyǵan COVID-19 indeti Qazaqstandy da aınalyp ótpedi. Elde karantın jarııalanyp, áli kúnge deıin mekteptegi oqý baǵdarlamalary onlaın rejımde ótýde. Qalyptasqan osy jaǵdaıǵa baılanysty mektep oqýshylary buryn-sońdy bastarynan ótpegen erekshe jaǵdaıdy bastan keshýde», dep jazady ortalyq ókilderi.

Baýyrlas eki el Túrkııa men Qazaqstan karantın jaǵdaıynda da bir–birine qol ushyn sozyp, barlyq saladaǵy baılanystaryn burynǵydan da kúsheıtti. Qazaqstanda balalar sýret óneri óte jaqsy damyǵan jáne júıeli túrde jolǵa qoıylǵan. Osy oraıda, Nur –Sultandaǵy ıÝnýs Emre túrik mádenıet ortalyǵy indet jaǵdaıynda sabaqty úıden oqyp jatqan balalarǵa arnalǵan sýret baıqaýyn ótkizýdi josparlap otyr.

Baıqaýdyń maqsaty qashyqtan bilim alyp jatqan balalardyń talanttaryn ushtap, tvorchestvolyq damýyna, ýaqytty tıimdi paıdalanýyna, mektebimen baılanystaryn úzbeı, belsendiliginiń artýyna ózindik úles qosý bolyp tabylady.

«Mektebimdi saǵyndym» dep atalatyn sýret jarysyna Nur-Sultan qalasynda turatyn 12-14 jas aralyǵyndaǵy Qazaqstan azamattary qatysa alady. Jarysqa jiberiletin sýretterdi A3 formatyndaǵy sýret qaǵazyna pastel boıaý, sýly boıaý, grafıka jáne gýash boıaý t.b tásilder qoldanyla otyryp salýǵa bolady. Sýretter eń kesh 25 qarashaǵa deıin ıÝnýs Emre túrik mádenıet ortalyǵyna tapsyrylýy kerek.

Jıýrı tańdaıtyn alǵashqy ondyqqa kirgen shyǵarmalar ortalyqtyń áleýmettik jeli paraqshasynda 27 qarasha- 6 jeltoqsan aralyǵynda jarııalanady. Eń kóp laık jınaǵan 3 shyǵarma ıesi jeńimpaz bolyp esepteledi. Jarys qorytyndysy 7 jeltoqsanda jarııalanady.

«Júlde áleýmettik jelide daýys berý kezinde kóp laık jınap, alǵashqy úshtikke engenderge beriledi. Jeńimpazdardyń aty–jónderi áleýmettik jelide jarııalanady. Baıqaýdyń bas júldesi – planshet. Ekinshi oryn alǵan júldeger smart saǵatqa, úshinshi oryn alǵan júldeger bolsa qulaqqapqa ıe bolady»,-delingen habarlamada.

Baılanys telefony: 8 (777) 533 91 30