ıÝnker Eýropalyq odaq reformasyna qatysty birqatar bastama kóterdi
BRıÝSSELЬ. QazAqparat - 2018 jyldyń 23 aqpanynda bolatyn EO kóshbasshylarynyń beıresmı sammıti qarsańynda Eýrokomıssııa tóraǵasy Jan-Klod ıÝnker Eýropalyq odaq qyzmetiniń tıimdiligin arttyrý boıynsha birqatar bastamalardy usyndy, dep habarlaıdy «QazAqparat» HAA menshikti tilshisi.
Baspasóz málıhaty kezinde EO atqarýshy bıliginiń basshysy barlyq jalpyeýropalyq saıası partııalarǵa 2018 jyldyń sońyna deıin kelesi jyly ótetin Eýroparlament saılaýyndaǵy jetekshi úmitkerlerdi anyqtaýǵa shaqyrdy.
«Adamdardyń kimge daýys beretinin, partııa kóshbasshysynyń kim ekendigin bilýi mańyzdy... Meniń partııamnan (Eýropa halyqtyq partııasy) jetekshi úmitkerdi mamyrda tanystyrmaqpyn», - dedi ol.
Sondaı-aq, Jan-Klod ıÝnker Eýrokomıssııa nemese Eýroodaq basshylaryn jalpy daýys berý arqyly saılaý júıesine ótýge qatysty pikir bildirdi.
«Eýrokomıssııa tóraǵasy nemese Eýropalyq odaq prezıdenti tikeleı jalpy daýys berý arqyly saılansa bolar edi. Biraq, meniń qyzmetim aıaqtalǵanǵa deıin ol múmkin emes. Bul uzaqmerzimdi jospar», - dep málim etti ıÝnker.
2018 jyldyń 23 aqpanynda ótetin beıresmı sammıtte EO quramynan Ulybrıtanııa shyqqannan keıingi Eýroparlament quramy talqylanady dep josparlanýda.
