ıÝNISEF jáne Túrkistan oblysy yntymaqtastyq týraly memorandýmǵa qol qoıdy
Kelisimge sáıkes, ıÝNISEF pen Túrkistan oblysy balalar men analardyń densaýlyǵyn jaqsartý, balalarǵa arnalǵan ınklıýzıvti jáne qaýipsiz ortany qurý, pozıtıvti ata-analyq prıntsıpterin qoldana otyryp, otbasy ınstıtýtyn nyǵaıtý sııaqty salalarda tyǵyz jumys isteıtin bolady.
Oblys ákimi Ómirzaq Shókeev ıÝNISEF-ti yntymaqtastyq úshin alǵys bildirip, kóterilip jatqan máselerdiń mańyzdylyǵyn aıtyp ótti.
«Bala densaýlyǵy, bilim berý, memlekettiń adamı kapıtalyn qoldaý, kópbalaly otbasylardyń ál-aýqaty - óte mańyzdy máseleler», - dedi Ómirzaq Shókeev.
Ákim, sonymen qatar, birqatar bastamalardy qoldaýǵa daıyn ekenin bildirdi. Balalrǵa qatysty zorlyq-zombylyqty aldyn alý týraly tájirıbesimen bólisýge ıÝNISEF sarapshylaryn shaqyrdy.
BUU Balalar qorynyń Qazaqstan Respýblıkasyndaǵy ókili ıÝrıı Oksamıtnyı aımaqtyń jáne eldiń kúrdeli máselerdi sheshýge jáne birlesken sheshimderdi tabýǵa daıyn ekendigin quptady.
«Memorandým ıÝNISEF-tiń óńirmen uzaq merzimdi yntymaqtastyǵyna jańa serpin beredi. Búgin biz bala kezdegi aýrýlardy yqpaldastyra júrgizý resýrstyq ortalyǵyn ashamyz. Bul - bizdiń zamanaýı oqý ortalyǵy, patronajdyq medbıkelerdiń ámbebap-progressıvti modeli, júkti áıelder men balaly otbasylarǵa kómek kórsetýdi baqylaý men retteý ortalyǵy retinde basqa aımaqtarǵa úlgi bola alatyn ortaq bastamamyz», - dep atap ótti ıÝrıı Oksamıtnyı.
Oblys ákimi Ómirzaq Shókeev ıÝNISEF-tiń densaýlyq saqtaý, bilim, balalardyń damýyna arnalǵan qaýipsiz ortany qurý týraly bastamalaryn qoldaıtynyn sóz etti.
ıÝNISEF Qazaqstandaǵy árbir balanyń qamy men quqyqtaryn qorǵaýǵa arnalǵan naqty jobalardy júzege asyrady. ıÝNISEF seriktesterimen birge 190-nan astam el men aımaqta jumys isteıdi. Erekshe kúsh-jiger eń osal balalarǵa qol ushyn berýge baǵyttalǵan.
