ıÝNISEF-tiń volonterlik baǵdarlamasyna 6 myńnan astam qazaqstandyq qatysýda
«Osydan bir jyl buryn Qazaqstan Prezıdenti Qasym-Jomart Toqaev Qazaqstanda Volonterler jylyn bastap bergen bolatyn. Bul oqıǵa ózimizdiń volonterlik baǵdarlamamyzdy ashýǵa shabyttandyrdy. Búginde ıÝNISEF-tiń volonterlik baǵdarlasy búkil el aýmaǵynda júzege asyrylyp jatyr. Oǵan jastarmen qatar aǵa býyn ókilderi qatysýda. Olardyń barlyǵyn «bizdiń árqaısymyz tóńiregimizdegi álemdi jaqsarta túsýge úles qosýǵa tıispiz» degen ortaq ıdeıa men senim biriktiredi. 2020 jyldyń naýryzynda volonterlik baǵdarlama iske qosylǵan sátten bastap, biz 6 myńnan astam volonterdi tarta aldyq. Olar óz kezeginde onlaın-dárister arqyly 5 myńnan astam oqýshy men 1,5 myńnan astam ata-anaǵa, sonymen qatar áleýmettik jeliler arqyly jarty mıllıon jasqa mańyzdy aqparattardy jetkizýge kómektesti. Bizdiń onlaın-volonterlik baǵdarlamamyzǵa jastardyń barynsha belsendi qatysqany qýantady»,- dedi ol Volonterlik qyzmetti damytý jónindegi halyqaralyq onlaın konferentsııa barysynda.
Onyń atap ótýinshe, ıÝNISEF-tiń volonterlik baǵdarlamasy koronavırýsqa qatysty ahýal týyndaǵanǵa deıin iske qosylǵan. Biraq, shynaıy ahýal eskerile kele baǵdarlama onlaın-formatqa beıimdelgen.
«Búginde úıden shyqpastan-aq qoǵamdyq ómirge óz úlesin qosýǵa múmkindik beretin volonterlik baǵdarlamamyz jastardy tıimdi jumyldyryp otyrǵanyn baıqadyq. Volonterlik tek tóńiregindegilerge ǵana paıda ákelmeıdi. Sonymen qatar ol jas volonterlerdiń daǵdylary men quziretterin damytady. Máselen, bizdiń «plastık frı» volonterlik baǵdarlamamyz volonterlerdiń boıyna ekologııalyq daǵdyny sińiredi. Al tabıǵı apattar táýekelin tómendetý jónindegi jobamyz tótenshe jaǵdaı kezinde qalaı áreket etýge qatysty baǵa jetpes bilim beredi», - dedi Artýr van Dızen.
