ıÝNISEF pen Qazaqstan otbasylardy qoldaýdyń jańa modelin engizedi

ASTANA. KAZINFORM — Densaýlyq saqtaý mınıstrliginde Densaýlyq saqtaý birinshi vıtse-mınıstri Tımýr Sultanǵazıevtiń Eýropa jáne Ortalyq Azııa elderi boıynsha ıÝNISEF Óńirlik ofısiniń halyqaralyq konsýltanty Zorıtsa Trıkıchpen jumys kezdesýi ótti. 

Kezdesý taqyryby patronajdyq qyzmet júıesin damytý jáne erte jastaǵy balalary bar otbasylardy qoldaý boldy. Taraptar júkti áıelder men balalary bar otbasylarǵa medıtsınalyq jáne psıhologııalyq qoldaýdan bastap balaǵa kútim jasaý, tamaqtandyrý jáne damytý jónindegi usynymdarǵa deıin keshendi kómek alýǵa múmkindik beretin patronajdyq baqylaýdyń ámbebap progressıvti modelin engizý máselelerin talqylady.

Medıtsınalyq-sanıtarııalyq alǵashqy kómek mamandarynyń biliktiligin arttyrýǵa jáne olardyń basqa sektorlarmen — áleýmettik qorǵaý organdarymen, ákimdiktermen, jergilikti atqarýshy organdarmen, psıhologtarmen, qorǵanshylyq jáne qamqorshylyq organdarymen, sondaı-aq quqyq qorǵaý qurylymdarymen ózara is-qımylyn keńeıtýge erekshe nazar aýdaryldy.

— Halyqaralyq áriptesterdi qoldaý jáne úzdik álemdik praktıkalardy engizý Qazaqstanǵa erte kómek júıesin nyǵaıtýǵa jáne otbasylar úshin qyzmetterdi jetildirýge múmkindik beredi. Biz patronaj qyzmetiniń sapasyn arttyrýǵa jáne árbir otbasy qajetti qoldaýdy ala alatyn jaǵdaılar jasaýǵa baǵdarlanǵanbyz, — dep atap ótti Tımýr Sultanǵazıev.

ıÝNISEF-pen birlesip, qaýipterdi erte anyqtaýǵa, zorlyq-zombylyqtyń aldyn alýǵa jáne ata-analardyń psıhoemotsıonaldyq ál-aýqatyn nyǵaıtýǵa baǵyttalǵan patronaj qyzmetkerlerine arnalǵan bilim berý baǵdarlamalary men trenıngter iske asyrylyp jatyr.

Kezdesý qorytyndysy boıynsha taraptar Qazaqstandaǵy árbir bala qamqor, qaýipsiz jáne qoldaýshy otbasynda ósýi úshin patronajdyq qyzmetti damytý boıynsha birlesken jumysty jalǵastyrýǵa ýaǵdalasty. 

Aıta ketelik qant dıabeti men DTsP áleýmettik aýrýlar tiziminen alynyp tastaldy.