ıÝNISEF kúzge deıin Qazaqstanda balalarǵa qatysty zorlyqtyń aldyn alatyn baǵdarlama jasaıdy

ASTANA. QazAqparat - Qazaqstan ıÝNISEF-pen birlese otyryp osy kúzge deıin balalarǵa qatysty zorlyq-zombylyqtyń aldyn alýǵa kómektesetin ulttyq baǵdarlama jasap shyǵarýdy josparlaýda. Bul týraly búgin OKQ baspasóz máslıhatynda QR-daǵy BUU ıÝNISEF balalar qorynyń ókili ıÝrıı Oksamıtnyı aıtty.

«Qazirgi kezde Qazaqstanda balalarǵa qatysty zorlyq-zombylyqtyń aldyn-alý máselesine Úkimet tarapynan úlken nazar aýdarylyp otyr. ıAǵnı barlyq múddeli seriktester bir maqsatqa jumyldyrylyp, halyqaralyq tájirıbe jan-jaqty zerttelýde. Biz de osy jumystarǵa tartyldyq. Shamamen osy jyldyń ekinshi jartysyna qaraı biz balalarǵa qatysty zorlyq-zombylyqtyń aldyn alýǵa kómektesetin ulttyq baǵdarlama jasaýǵa kirisemiz», - dep atap ótti ıÝ.Oksamıtnyı.

Onyń aıtýynsha, atalǵan baǵdarlama balalar men jasóspirimderdiń sýıtsıdke boı aldyrǵysh áreketterine baılanysty máselelerdi sheshe alady.

Mamannyń pikirinshe, kóptegen jaǵdaıda balalarǵa jasalǵan zorlyq-zombylyqtyń arty sýıtsıdke aparýy múmkin.

«Sýıtsıd - keshendi fenomen. Oǵan kóptegen faktorlar áser etedi. Sondyqtan balalarǵa zorlyq kórsetý, qataldyq tanytý sııaqty qylyqtar olardyń sýıtsıdke uryný qaýpin kúsheıtedi. Biraq bar jaýapkershilikti Úkimet pen jergilikti bılik organdaryna artyp qoıýǵa bolmaıdy. Bizdiń pikirimizshe, bul máselede ÚEU úlken jumys atqara alady», - deıdi ókil.