ıÝNISEF: Qazaqstan bala quqyǵyn qorǵaýda álemde jetekshi orynǵa ıe

NUR-SULTAN. QazAqparat - Qazaqstanda balalardyń jaǵdaıyn jaqsartý baǵytynda edáýir ilgerileý baıqalady. Sondaı-aq elimiz bala quqyqtaryn qorǵaý boıynsha álemde jetekshi orynǵa ıe. Bul týraly búgin Dúnıejúzilik balalar kúnine arnalǵan brıfıngide BUU Balalar qorynyń (ıÝNISEF) Qazaqstandaǵy ókiliniń orynbasary Veronıka Vaşenko aıtty, dep habarlaıdy QazAqparat.

«1994 jyly Qazaqstan balalarǵa meıirimdi qoǵam qurýdyń quralyna aınalǵan Bala quqyqtary týraly konventsııany qabyldady. Dál sol kezde ıÝNISEF Qazaqstanda óz keńsesin ashqan bolatyn. Konventsııa ratıfıkatsııalanǵan sátten bastap Qazaqstan eldegi balalardyń jaǵdaıyn jaqsartý barysynda edáýir ilgerileý tanytyp, óńirlik jáne halyqaralyq deńgeıde bala quqyqtaryn qorǵaý boıynsha kóshbasshylarynyń birine aınaldy», – dep atap ótti Veronıka Vaşenko.

V. Vaşenko Memleket basshysy balalardyń quqyqtaryn qorǵaý máselesine erekshe nazar aýdaratynyn atap ótti. «Prezıdent Qasym-Jomart Toqaev 2020 jylǵy 1 qyrkúıekte jarııalanǵan Qazaqstan halqyna Joldaýynda balalardyń quqyqtaryn qorǵaý jónindegi sharalardy kúsheıtýge basa nazar aýdardy. Bul óte mańyzdy», – dedi ıÝNISEF ókili.

QR Bilim jáne ǵylym mınıstrligi úılestirýshi jáne beıindi vedomstvo retinde balalardyń quqyqtaryn qorǵaý boıynsha keshendi sharalardy belsendi túrde júrgizip otyr.

«2020 jyldyń qańtar aıynan bastap barlyq óńirde «Balalar quqyqtary jónindegi jergilikti ýákil» qyzmeti engizildi. Bul ınstıtýt óz tıimdiligin dáleldedi. Sondaı-aq kámeletke tolmaǵandardyń quqyqtaryn qorǵaý máseleleri boıynsha ortalyqtyń aımaqtarymen ózara árekettestigin kúsheıtti», – dep atap ótti Bilim jáne ǵylym vıtse-mınıstri Bıbigúl Asylova.