ıÝNISEF: Gaza sektorynda eki táýlikte elýden astam bala qaza tapty
ASTANA. KAZINFORM – Izraıl keıingi eki táýlikte Gaza sektorynyń soltústiginde Djabalııa qalasyna shabýyl jasap, saldarynan 50-den astam bala qaza tapty. Bul týraly ıÝNISEF uıymy habarlady, dep jazdy 24 kz.
Izraıl áskeri anklavtaǵy polıomıelıtke qarsy egý ortalyǵyn bombalaǵan. Sonyń saldarynan taǵy 4 bala aýyr jaraqat aldy,- deıdi uıym ókilderi.
Aıta keteıik, byltyr qazannan beri 43 myńnan astam palestınalyq qaza taýyp, taǵy 102 myń adam zardap shekken. Al Lıvan densaýlyq saqtaý mınıstrliginiń málimetine sáıkes, Izraıl shabýylynan elde 3 myńǵa jýyq adam qaıtys boldy. 13 myńnan astamy jaraqat alǵan.
Al, sońǵy eki kúnde Gazadaǵy Nýseırat bosqyndar lagerine jasalǵan Izraıldiń áýe shabýylynan keıin 42 palestınalyq kóz jumyp, 150 adam jaraqat alǵan. Bul týraly Palestına densaýlyq saqtaý uıymdary habarlady.
