ıÝNISEF dabyly: Irandaǵy soqqylardan balalar zardap shegip jatyr
ASTANA. KAZINFORM — BUU Balalar qory (ıÝNISEF) dabyl qaǵýda: AQSh pen Izraıldiń Irandaǵy áskerı operatsııasynyń saldarynan shamamen 180 bala qaza taýyp, júzdegeni jaraqat alǵan. Uıym halyqaralyq gýmanıtarlyq quqyqqa sáıkes balalar men mektepterdiń qorǵalýyn qamtamasyz etýge shaqyrdy. Bul týraly uıym óziniń resmı saıtynda jarııalady.
ıÝNISEF Iranda AQSh pen Izraıl tarapynan jalǵasyp jatqan áskerı soqqylardan balalardyń da ólip jatqanyna tereń alańdaýshylyq bildirdi.
Ásirese 28 aqpanda Irannyń ońtústigindegi Mınab qalasynda bolǵan oqıǵa asa qaıǵyly jaǵdaı retinde atap ótildi. Onda «Shedjeretý-t-Taıııba» atty qyzdarǵa arnalǵan bastaýysh mektep bombalaýǵa ushyrap, saldarynan 7 men 12 jas aralyǵyndaǵy 168 bala qaza tapty. Sonymen qatar eldiń bes óńirindegi basqa mektepterge jasalǵan soqqylar saldarynan taǵy 12 bala kóz jumǵan.
— Balalardyń qaza tabýy soǵystyń qatygezdigin jáne balalarǵa baǵyttalǵan zorlyq-zombylyqtyń aıaýsyzdyǵyn kórsetedi. Onyń saldary otbasylar úshin urpaqtan-urpaqqa deıin seziledi, — dep atap ótti ıÝNISEF.
Uıym ókilderi halyqaralyq gýmanıtarlyq quqyqqa sáıkes balalardyń qorǵalýyn qamtamasyz etý qajet ekenin, al mektepter qaýipsiz baspana bolýy tıis ekenin eske saldy. ıÝNISEF málimetinshe, jalǵasyp jatqan shabýyldar azamattyq ınfraqurylymǵa da aıtarlyqtaı zııan keltirip otyr: keminde 20 mektep pen 10 aýrýhana zaqymdanǵan. Bul balalardyń bilim alýyna jáne medıtsınalyq kómekke qol jetkizýin shektep otyr.
Qor qaqtyǵysqa qatysýshy barlyq taraptardy halyqaralyq quqyq normalaryn saqtaýǵa jáne beıbit turǵyndardyń qaýipsizdigin qamtamasyz etýge shaqyrdy.
Eske sala keteıik, 28 aqpanda Izraıl AQSh-tyń qoldaýymen Iranǵa qarsy áskerı operatsııa bastady. Bul Taıaý Shyǵystaǵy qaqtyǵystyń jańa kezeńine jol ashty. Jaýap retinde Iran aımaqta ornalasqan amerıkalyq áskerı bazalar bar elderdegi nysandarǵa soqqy jasady. Olardyń qatarynda Katar, Birikken Arab Ámirlikteri jáne Bahreın bar.
BUU Taıaý Shyǵystaǵy shıelenistiń gýmanıtarlyq saldary aýyr bolatynyn eskertti.
Iran Densaýlyq saqtaý mınıstrliginiń sońǵy derekterine sáıkes, AQSh pen Izraıldiń soqqylary saldarynan 1000-nan astam beıbit turǵyn qaza tapqan. Olardyń ishinde eldiń rýhanı kóshbasshysy aıatolla Alı Hameneı jáne birqatar joǵary laýazymdy tulǵalar bar.
Buǵan deıin AQSh pen Izraıldiń Iranǵa jasaǵan soqqylary saldarynan 300-den astam balanyń jaralanǵany habarlandy.
