ıÝNISEF: COVID-19 saldarynan álemde 168 mln bala bir jylǵa jýyq mektepke barmaǵan
NЬıÝ-IORK. QazAqparat – Karantın shekteýlerine baılanysty álem boıynsha 168 mıllıonnan asa bala bir jyl boıy mektepke barmaǵan. Sondaı-aq 214 mln-ǵa jýyq oqýshy kúndizgi oqýdyń úsh toqsanyna qatyspaǵan, dep habarlaıdy QazAqparat ıÝNISEF-tiń resmı saıtyna silteme jasap.
Álemniń 14 eliniń mektepteri negizinen 2020 jyldyń naýryzy men 2021 jyldyń aqpany aralyǵynda jabyq boldy. Bul elderdiń úshten ekisi Latyn Amerıkasy men Karıb basseıni elderi aımaǵynda ornalasqan. Saldarynan 98 mln oqýshynyń sabaǵyn toqtatýyna týra keldi. Mektepter, ásirese Panama, Salvador, Bangladesh pen Bolıvııada uzaǵyraq jabyq bolǵan.
«Kúndizgi oqýǵa bara almaıtyn oqýshylar kún saıyn mektep baǵdarlamasynan qalyp bara jatyr. Biz taǵy bir jyl shekteý bolǵanyna jáne osy balalardyń taǵy da kúndizgi oqýsyz júrýine jol bere almaımyz. Mektepterdiń jumysyn jandandyrý úshin bar kúshimizdi jumsaýymyz qajet», - dep málimdedi ıÝNISEF-tiń atqarýshy dırektory Genrıetta For.
ıÝNISEF-tiń sońǵy deregine sáıkes, qazirgi kúni mektepterdiń tolyq nemese ishinara jabylýyna baılanysty álemde 888 mln-nan asa balanyń bilim alýy úzilip qalyp jatyr.
