ıÝNISEF: Álemdegi árbir úshinshi ınternet qoldanýshysy – bala
ASTANA. KAZINFORM – Qazaqstan balalarynyń 45% ınternetke 5-8 jasynda, al 5%-y odan da erte – 4 jáne odan kishi jasta qosylady. Bul týraly ıÝNISEF-tiń balalyq shaqty qorǵaý baǵdarlamalarynyń jetekshisi Aısulý Bekmusa baıandady.
«ıÝNISEF-tiń jahandyq esebinde álemdegi árbir úshinshi ınternet qoldanýshysy bala dep jazylǵan. Oqý-aǵartý mınıstrligimen birlesip, byltyr Qazaqstandaǵy balalardyń onlaın-qaýipsizdigi men tájirıbesi boıynsha zertteý júrgizdik. Nátıjesinde Qazaqstanda balalar ınternetke buryn-sońdy bolmaǵan jyldamdyqpen jáne erte jastan qosylatynyn anyqtadyq. Zertteýge sáıkes, balalardyń 45%-y ınternetke 5-8 jasynda, al balalardyń 5%-y odan da erte - 4 jáne odan kishi jasta qosylady», - dedi spıker.
Aısulý Bekmusa ınternet balalardyń damýyna, olardy oqytýǵa, shyǵarmashylyǵyna, áleýmettenýine múmkindik beretinine toqtala kele, táýekelderdi de eskerý qajet ekenin aıtty.
Onyń aıtýynsha, balalardyń 21%-y qurdastary men dostarynyń kıberbýllıngke ushyraǵanyn kórgen. Biraq olardyń jartysy ǵana eresekterge ınternette kıberbýllıngke tap bolǵandaryn aıtqan.
«Biz balalardyń quqyqtaryn qorǵaý komıtetimen birlesip balalar úshin qaýipsiz paıdalanýshylyq ınternet qalyptastyrýǵa baǵyttalǵan «KıberTumar» aqparattyq bilim berý naýqanyn bastadyq. Sonymen qatar, kompanııa ata-analarǵa da arnalǵan: eger bala ınternette qandaı da bir qaýip-qaterge tap bolsa, ata-analarǵa arnalǵan negizgi is-qımyl algorıtmderi usynylady», - dedi ıÝNISEF ókili.
Aıta keteıik, Qazaqstannyń 8 óńirinde mekteptegi oń qarym-qatynastardy qalyptastyrý úshin «DosbolLike» naýqany ótkiziledi.
Qazirgi ýaqytta elimizde 6,9 mln bala bar. 2027 jylǵa qaraı balalar sany 8 mıllıonǵa deıin ulǵaıady.