ıÝNISEF: Álemde 264 mln bala mektepte oqý múmkindiginen aıyrylǵan
ASTANA. QazAqparat - Álemde 264 mıllıonǵa jýyq bala mektepte bilim alý múmkindiginen aıyrylǵan. Bul týraly ıÝNISEF ókilderi habarlaıdy.
Habar 24.kz portalynyń habarlaýynsha, halyqaralyq uıym mamandary qaqtyǵystar órship turǵan óńirdegi bilim ordalaryna jıilep ketken shabýyldarǵa qatysty alańdaýshylyq bildirip otyr.
Bir ǵana Nıgerııanyń soltústik-shyǵysynda «Boko Haram» sodyrlary sońǵy birneshe jylda 1 myń 400 mektepti qıratqan eken. Lańkester taǵy 2 myń 300 muǵalimdi jer jastandyrǵan.
ıÝNISEF mamandaryn alańdatyp otyrǵan taǵy bir jáıt bar. Aıtýlarynsha, gýmanıtarlyq maqsatqa bólinetin qarjynyń tek 3,6 paıyzy ǵana bilim berý baǵdarlamalaryna jaratylatyn kórinedi.
