ıÝnıorlar men jastar arasyndaǵy karateden Qazaqstan chempıonaty rekordty kórsetkishpen aıaqtaldy

ASTANA. KAZINFORM - Qyzylorda qalasynda karateden ıýnıorlar men jastar arasyndaǵy Qazaqstan chempıonaty máresine jetti, dep habarlaıdy Qazaqstan karate federatsııasynyń baspasóz qyzmeti.

Bıylǵy básekege 16 óńirden 600-ge jýyq sportshy jınalyp, úzdikterdi anyqtady. Bul – osy sanattaǵy qatysýshylar sany jaǵynan rekordtyq kórsetkish. Sondaı-aq osy chempıonatta alǵash ret qaptaldaǵy tóreshiler pýlt arqyly upaı berýge kóshti. Osyǵan deıin bul protsess jalaýshanyń kómegimen júzege asqan.

Jalpy sportshylar kata jáne kýmıte baǵdarlamasynda 3 jas sanatynda (14-15, 16-17, 18-20) 44 medal jıyntyǵyn sarapqa saldy.

Nátıjesinde Shymkent qalasynyń komandasy 9 altyn, 11 kúmis, 11 qola medalmen top jardy. Ekinshi satyda Mańǵystaý oblysy (6 altyn, 10 kúmis, 13 qola). Úzdik úshtikti Jambyl oblysy túıindedi (6 altyn, 3 kúmis, 11 qola).

Chempıonattaǵy qyzyq derekter (júlde alǵan aǵaıyndylar):

Almaty qalasynan qatysqan aǵaly-inili Murat (16-17 jas) jáne Tımýr (14-15 jas) Damıtov. Tımýr óz sanatynda kýmıte baǵdarlamasynda 3-oryn aldy.

Egizder Arlan men Arnur Murat 14-15 jas sanatynda kýmıtede 3-oryn aldy.

Jambyl oblysy

Nurseıit Almat 14-15 jas -57 kg. 1-oryn,

Nurseıit Nurasyl 14-15 jas kom. kýmıte 1,

Astana qalasy

Jannur Abdrahman 16-17 jas (-66 kg) 3-oryn.

Nurmuhammed Abdrahman 16-17 jas (-68 kg) 2-oryn

Aıbat Aldabergen 14-15 jas.

Perızat Aldabergen 16-17 jas (-59 kg) 1-oryn

Maksım Moskvıchev 18-20 jas -75 kg. 2-oryn

Aqmola oblysy

Kırıll Moskvıchev 18-20 jas - 60 kg. 3-oryn

Qazaqstan sportshylary BAÁ-degi týrnırde karateden 4 altyn alǵanyn jazǵan bolatynbyz.