ıÝNFPA basshysy Astanadaǵy perınataldyq qyzmettiń jumysyn joǵary baǵalady

Birikken Ulttar Uıymy Bas hatshysynyń orynbasary jáne BUU Halyq qonystanýy salasyndaǵy qorynyń (ıÝNFPA) atqarýshy dırektory Dıen Keıta Qazaqstanǵa alǵashqy resmı sapary sheńberinde Astana qalasynyń № 2 kópbeıindi qalalyq aýrýhanasyna bardy.

Munda ol Densaýlyq saqtaý birinshi vıtse-mınıstri Tımýr Sultanǵazıevtiń alyp júrýimen elimizdiń jetekshi perınataldyq ortalyqtarynyń birinde júkti áıelder men jańa týǵan nárestelerge medıtsınalyq kómek kórsetýdi uıymdastyrý jumystarymen tanysty.

Sapar barysynda delegatsııa bosandyrý bólimshesin, bosanǵannan keıingi palatalardy, ambýlatorııalyq jáne neonataldyq bloktardy aralady.

ıÝNFPA ókilderine júkti áıelderge kómek kórsetý marshrýty, akýsherlik protsesti uıymdastyrý jáne analar men jańa týǵan nárestelerge keshendi medıtsınalyq kómek kórsetýdiń zamanaýı tásilderi tanystyryldy.

Elordadaǵy perınataldyq ortalyqta jyl saıyn shamamen 14 myń sábı dúnıege keletinin aıta ketken jón.

Delegatsııa bosandyrý zaldarynyń jabdyqtalýymen tanysyp, ana men balanyń birge bolýyna arnalǵan bólimshede boldy.

Sapar sheńberinde mekemede kórsetiletin neonatologııalyq kómektiń tolyq spektri, onyń ishinde jańa týǵan nárestelerdi reanımatsııalaý, shala týǵan sábılerdi kútip-baptaý jaǵdaılary, ońaltý jáne katamnestıkalyq baqylaý júıesi tanystyryldy.

Sonymen qatar, uryq medıtsınasy salasyndaǵy zamanaýı tehnologııalar, onyń ishinde uryqtyń kúrdeli damý patologııalary kezinde jatyrishilik operatsııalar, sondaı-aq jańa týǵan nárestelerge jasalatyn joǵary tehnologııalyq hırýrgııalyq aralasýlar kórsetildi.

Delegatsııaǵa týa bitken damý kemistikterin erte anyqtap, patsıentterdi mamandandyrylǵan ortalyqtarǵa bosandyrý úshin ýaqtyly jiberýge múmkindik beretin prenataldyq skrınıng júıesi týraly da baıandaldy.

Qonaqtarǵa uryqty qorǵaý ortalyǵy men júkti áıelderdi keshendi ári jedel tekserýdi qamtamasyz etetin «Bir kúndik klınıka» tanystyryldy.

Sapar qorytyndysy boıynsha Dıen Keıta júkti áıelderge medıtsınalyq kómek kórsetýdi uıymdastyrý deńgeıin jáne Qazaqstandaǵy perınataldyq qyzmettiń damýyn joǵary baǵalady.

— Bul — halyqqa sapaly qyzmet kórsetetin naǵyz aýrýhana. Men qatty áser aldym jáne álem boıynsha sóıleıtin sózderimde sizderdiń klınıkalaryńyzdy mysal retinde mindetti túrde atap ótemin, — dedi ıÝNFPA basshysy.

Onyń aıtýynsha, mýltıdıstsıplınarlyq tásil men beıindi mamandardyń tolyq quramynyń bolýy erekshe mańyzdy.

— Men úshin munda júkti áıelderdegi barlyq aýrýlar men jaǵdaılardyń tolyq spektrin qamtı alatyn arnaıy beıindi mamandardyń bolýy óte mańyzdy, — dep atap ótti ol.

Sapar barysynda sondaı-aq Qazaqstan men ıÝNFPA arasyndaǵy medıtsınalyq kadrlardy daıarlaý jáne qoǵamdyq densaýlyq saqtaýdy damytý salasyndaǵy odan arǵy yntymaqtastyq perspektıvalary talqylandy.

Aıta ketelik Qazaqstan Respýblıkasynyń Premer-mınıstri Oljas Bektenov Birikken Ulttar Uıymy Bas hatshysynyń orynbasary, BUU-nyń Halyqtyń qonystanýy salasyndaǵy qorynyń (ıÝNFPA) atqarýshy dırektory Dıene Keıtamen kezdesý ótkizgen edi.