ıÝNESKO júıesinde Qazaqstannyń bastamalaryn iske asyrýǵa ekpin qoıylady - Májilis

NUR-SULTAN. QazAqparat – Parlament Májilisiniń jalpy otyrysynda «QR Úkimeti men Bilim, ǵylym jáne mádenıet máseleleri jónindegi BUU arasyndaǵy ıÝNESKO aıasynda Mádenıetterdi jaqyndastyrý halyqaralyq ortalyǵyn (2-sanat) qurý týraly kelisimdi ratıfıkatsııalaý týraly» zań jobasy maquldandy, dep habarlaıdy QazAqparat tilshisi.

Zań jobasynyń maqsaty - 2019 jylǵy 25 maýsymda jasalǵan, «Mádenıetterdi jaqyndastyrý ortalyǵy» memlekettik mýzeıi» respýblıkalyq memlekettik qazynalyq kásipornynyń bazasynda Almaty qalasynda ıÝNESKO aıasynda Mádenıetterdi jaqyndastyrýdyń halyqaralyq ortalyǵynyń (2-sanat) jumys isteýin kózdeıtin kelisimdi ratıfıkatsııalaý.

Ortalyq ıÝNESKO Bas konferentsııasynyń 36-shy sessııasynda qoldaý tapqan ıÝNESKO aıasynda Mádenıetterdi jaqyndastyrýdyń halyqaralyq onjyldyǵyn (2013 – 2022 jyldar) ótkizý týraly Qazaqstan Respýblıkasynyń bastamasyn ınstıtýtsıonaldyq qoldaýdy qamtamasyz etedi.

«Ózderińizge málim, 2015 jyly Elbasy Nursultan Nazarbaev ıÝNESKO-da Qazaqstan bastamasymen jáne BUU Bas Assambleıasy jarııalaǵan Mádenıetterdi jaqyndastyrýdyń halyqaralyq onjyldyǵyn (2013-2022 jj.) ótkizý aıasynda bul bastamany ınstıtýtsıonaldy qoldaý maqsatynda ıÝNESKO-men birlesip, mádenıetterdi jaqyndastyrýdyń halyqaralyq ınstıtýtyn qurý týraly usynys jasap sóz sóılegen bolatyn. Sondaı-aq, Memleket basshysy Qasym-Jomart Toqaev óziniń 2019 jylǵy 2 qyrkúıektegi «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna jyl saıynǵy Joldaýynda etnosaralyq kelisim men dinaralyq ózara túsinistikti nyǵaıtýdy jalǵastyrý qajettigin atap ótti. Osyǵan oraı shartty ratıfıkatsııalaý halyqaralyq deńgeıde elimizdiń bedeliniń artýyna yqpal etetin bolady», - dedi Mádenıet jáne sport mınıstri Aqtoty Raıymqulova.

Halyqaralyq shartty ratıfıkatsııalaý aıaqtalǵannan keıin Ortalyq bul jumysty Qazaqstan Respýblıkasynyń mádenı saıasatynyń basymdyqtaryna jáne BUU-nyń 2030 jylǵa deıin turaqty damý salasyndaǵy kún tártibine sáıkes jalǵastyrady.

Ortalyq:

- etnostardyń, mádenıetter men dinderdiń shyǵý tegi salasyndaǵy irgeli jáne qoldanbaly zertteýler júrgizýge;

- túrli órkenıetter men mádenıetterdiń ózara áser etýiniń keshendi protsesterine jaryq túsiretin Uly Jibek jolyn zertteýge;

- mádenıetaralyq qoǵamdardyń qalyptasýy jáne olardyń ǵalamshardyń ár túkpirinde biregeıligine;

- túrli etnostardyń mádenıetterin jaqyndastyrý boıynsha forýmdar, konferentsııalar, dóńgelek ústelder, ashyq dárister, trenıngter, onlaın-dárister ótkizýge;

- halyqaralyq aýdıtorııa arasynda beıbitshilik pen turaqty damý múddesinde mádenıetaralyq dıalog qundylyqtaryn taratýǵa baǵyttalǵan halyqaralyq yntymaqtastyqqa arnalǵan biregeı platforma bolady.

«Budan basqa, aldaǵy 2022 jyly Mádenıetterdi jaqyndastyrýdyń halyqaralyq onjyldyǵy baǵdarlamasynyń (2013-2022) aıaqtalýy kútilip otyrylǵandyǵyna baılanysty Qazaqstan atynan «Bilim mádenıetiniń halyqaralyq onjyldyǵy» baǵdarlamasyn jarııalaý týraly bastama kóterildi. Bilim mádenıeti mádenıetterdiń jaqyndasýynyń damýyndaǵy kelesi kezeń, onyń logıkalyq saldary bolady. Jınaqtalǵan tájirıbe ıÝNESKO-nyń qamqorlyǵymen Mádenıetterdi jaqyndastyrýdyń halyqaralyq ortalyǵyna qazaqstandyq qoǵam men jalpy adamzat qoǵamynyń turaqty damýyna yqpal ete otyryp, osy ıdeıalardy is júzinde iske asyrýmen tabysty aınalysýǵa múmkindik beredi. Mádenıetterdi jaqyndastyrý ortalyǵyna ıÝNESKO-nyń 2-sanaty mártebesin berý elimizdiń ulttyq múddelerine sáıkes keledi ári saıası jáne áleýmettik turǵydan tıimdi bolady. Bul óz kezeginde ıÝNESKO júıesinde Qazaqstan Respýblıkasynyń bastamalaryn iske asyrýdy tıimdi ilgeriletýge yqpal etedi», - dedi mınıstr.