ıÝNESKO Japonııadaǵy Asýka-Fýdzıvara keshenin Dúnıejúzilik muralar tizimine engizbek
ASTANA. KAZINFORM – ıÝNESKO-nyń konsýltatıvtik organy Japonııanyń Nara prefektýrasyndaǵy ejelgi ortalyqtandyrylǵan memlekettiń qalyptasýyn aıǵaqtaıtyn tarıhı eskertkishter tobyn Dúnıejúzilik mádenı muralar tizimine engizýdi usyndy. Bul týraly senbi kúni Japonııanyń Mádenıet isteri agenttigi habarlady, dep jazdy Kyodonews.
«Asýka–Fýdzıvara: Japonııanyń ejelgi astanalarynyń arheologııalyq eskertkishteri jáne olarmen baılanysty nysandar» jobasy boıynsha túpkilikti sheshim ıÝNESKO-nyń Bilim, ǵylym jáne mádenıet máseleleri jónindegi Dúnıejúzilik mura komıtetiniń 19–29 shilde aralyǵynda Ońtústik Koreıada ótetin otyrysynda qabyldanady dep kútilip otyr.
Saılaý okrýgi Nara prefektýrasynda ornalasqan Japonııa premer-mınıstri Sanae Takaıtı bul usynysty quptap:
– Bizdiń baǵa jetpes mádenı muramyzdyń halyqaralyq deńgeıde joǵary baǵalanǵanyna óte qýanyshtymyn, – dedi.
Ol úkimet nysandy resmı túrde qorǵalatyn dúnıejúzilik muralar tizimine engizý úshin bar kúsh-jigerin jumsaıtynyn málimdedi.
Eger keshen tizimge engizilse, Japonııanyń ıÝNESKO-nyń Dúnıejúzilik muralar tizimindegi nysandarynyń sany 27-ge jetedi. Onyń 22-si mádenı, al beseýi tabıǵı mura sanatyna jatady.
Asýka–Fýdzıvara kesheni VI ǵasyrdyń sońy men VIII ǵasyrdyń basyna jatatyn 19 arheologııalyq eskertkishten turady.
Olardyń qatarynda memleket qalyptasýynyń alǵashqy kezeńimen baılanysty Asýka jáne Fýdzıvara saraılarynyń qırandylary, Japonııanyń alǵashqy tolyqqandy astanasynyń qaldyqtary, býdda ǵıbadathanalarynyń oryndary men kóne qorǵandar bar.
Qorǵandardyń ishinde jarqyn qabyrǵa sýretterimen tanymal Takamatsýdzýka qorǵany jáne Shyǵys Azııadaǵy eń kóne astronomııalyq karta saqtalǵan Kıtora qorǵany erekshe oryn alady.
ıÝNESKO-nyń Dúnıejúzilik mura ortalyǵynyń málimetinshe, bul arheologııalyq nysandar qurlyqtyq Qytaı men Koreı túbeginiń yqpalyn kórsetedi. Bul óz kezeginde Japonııa men Shyǵys Azııanyń ózge elderi arasyndaǵy mádenı ári tehnologııalyq baılanystardyń bolǵanyn dáleldeıdi.
Atalǵan arheologııalyq keshen ıÝNESKO-nyń aldyn ala tizimine 2007 jyly engizilgen bolatyn. Al 2024 jyly eldiń mádenıet jónindegi keńesi ony Dúnıejúzilik muralar tizimine usynatyn resmı kandıdat retinde tańdady.
Ótken jyldyń qańtarynda Japonııa úkimeti ıÝNESKO-ǵa usynys qujattaryn joldap, nysandar sanyn 22-den 19-ǵa deıin qysqartqan edi.
Eske sala ketsek, ıÝNESKO-nyń Dúnıejúzilik muralar tizimine elimizden qandaı jádigerler usynylǵanyn osy jerden oqı alasyz.
