ıÝNESKO Jambyl oblysyndaǵy tarıhı-mádenı muralarǵa monıtorıng júrgizdi
ASTANA. QazAqparat - Josparǵa sáıkes, 2016 jylǵy 31 qazan - 9 qarasha aralyǵynda Jibek joly nomınatsııasyna kiretin Qazaqstan aýmaǵyndaǵy 8 nysannyń jaı-kúıi boıynsha monıtorıng júrgizý maqsatynda Qazaqstanǵa Dúnıejúzilik mura ortalyǵynyń Azııa jáne Tynyq muhıty boıynsha bólimshesinen Feng Jıng jáne IKOMOS sarapshysy Natalıa Dýshkına arnaıy issaparmen Jambyl oblysyna keldi, dep habarlaıdy QazAqparat.
«Sapar barysynda 2013 jyly «Uly Jibek joly» atalymy boıynsha Jambyl oblysynyń 5 tarıhı-mádenı murasy ıÝNESKO-nyń Búkilálemdik muralar tizimine, Aqtóbe (Balasaǵun), Qulan Aqyrtas, Qostóbe, Órnek qalashyqtary engen bolatyn. Monıtorıng negizinde tizimge alynǵan eskertkishterde osy ýaqyt aralyǵynda atqarylǵan túrli zertteýler, qazba, jańǵyrtý jumystaryn kórip ári qaraı zertteý jumystaryn jalǵastyrý edi», deıdi QR MSM «Ejelgi Taraz eskertkishteri» TMQM bólim basshysy Almas Muhtarov.
Halyqaralyq sarapshylar jumysy Jambyl oblysynda búginde jalǵasýda. Sapar sońynda, erteń eki kúngi jumys barysynda júrgizilgen monıtorıng boıynsha jergilikti atqarýshy organ jetekshilerimen ǵalymdarmen kezdesý ótkiziledi. Arnaıy ókilder arasynda QR Mádenıet jáne sport mınıstrliginiń mamandary, jańǵyrtýshylar, arheologtar jáne «Ejelgi Taraz eskertkishteri» qoryq-mýzeı jetekshileri bar.
