ıÝNESKO Venetsııany Dúnıejúzilik muralar tizimine qosýdy usyndy
ıÝNESKO esebine sáıkes, Italııa qalasy shamadan tys týrızm men shamadan tys qurylysqa, klımattyq ózgeristerge baılanysty teńiz deńgeıiniń kóterilýinen «qaıtarymsyz» shyǵynǵa ushyrap otyr.
Venetsııa mýnıtsıpalıtetiniń ókili bul usynystyń «muqııat zertteletinin» jáne Italııa Úkimetimen talqylanatynyn aıtty.
Venetsııa «La Serenissima» ataýymen belgili, ol - «óte tynysh» degen maǵynany bildiredi. Ókinishke oraı ýaqyt ótken saıyn qala bul ataýǵa laıyq bolmaı barady.
Venetsııany qaýip tóngen qalalar tizimine qosýdy ıÝNESKO eki jyl buryn usynǵan. Biraq Italııa úkimeti qabyldaǵan tótenshe sharalarǵa baılanysty ol sońǵy sátte keıinge shegerilgen.
Atap aıtqanda, osyndaı sharalardyń biri - San-Marko kanalynda krýızdik kemeler sııaqty úlken kemelerge tyıym salý týraly sheshim boldy.
Úlken kemelerge tyıym salyndy, biraq ıÝNESKO ony qorshaǵan ortany qatty lastaıtyn basqa qaıyq modelderine aýystyrý kerektigin aıtady.
Ǵalamshardyń jylynýy mundaǵy teńiz deńgeıiniń kóterilýine ákeledi, sondyqtan sýmen qorshalǵan Venetsııa sý tasqynyna tótep berýge qaýqarsyz.
Budan ózge jyl saıyn Venetsııaǵa shamamen 28 mıllıon týrıst keledi. ıÝNESKO-nyń aıtýynsha, bul qalany keńeıtý jobalaryn arttyra túsýdi qajet etedi. Al ol óz kezeginde qalaǵa úlken zııan keltiredi.
Sonymen qatar, ıÝNESKO bıik ǵımarattar qalaǵa «aıtarlyqtaı teris vızýaldy áser etýi» múmkin jáne olardy qala ortalyǵynan alys jerde salý kerek dep sanaıdy.
