ıÝNESKO sessııasynda Mańǵystaýdyń jerasty meshitterine qatysty sheshim qabyldanady
ASTANA. KAZINFORM — 19 shildede Koreıa Respýblıkasynyń Pýsan qalasynda ıÝNESKO-nyń Dúnıejúzilik mura komıtetiniń 48-sessııasy bastaldy. Sessııa 29 shildege deıin jalǵasady, dep habarlaıdy QR SІM baspasóz qyzmeti.
Sharanyń resmı ashylý rásimine Koreıa Respýblıkasynyń prezıdenti Lı Chje Men jáne ıÝNESKO-nyń bas dırektory Haled Ál Ananı qatysty.
Sessııaǵa ıÝNESKO-nyń Dúnıejúzilik mádenı jáne tabıǵı murany qorǵaý týraly konventsııasyna 196 memleketten shamamen 3 000 qatysýshy, sondaı-aq halyqaralyq uıymdar men sarapshylyq qaýymdastyqtyń ókilderin biriktirdi.
Otyrys barysynda Uıym Dúnıejúzilik mura tizimine 30 jańa usynystyń engizilýin, sondaı-aq mura obektileriniń saqtalý jaı-kúıine qatysty 147 esepti qarastyrady.
— Qazaqstan delegatsııasy Dúnıejúzilik mura komıtetiniń múshesi retinde sessııa jumysyna belsendi qatysyp jatyr. Sessııa barysynda Qazaqstan usynǵan «Mańǵystaýdyń jerasty meshitteri jáne olarmen baılanysty kıeli nysandar» nomınatsııasyn qaraý josparlanyp otyr, — delingen habarlamada.
Eske sala keteıik, Atyraýda ótken Ulttyq quryltaıdyń otyrysynda Memleket basshysy Qasym-Jomart Toqaev Mańǵystaýdaǵy biregeı jerasty meshitterin ıÝNESKO-nyń Dúnıejúzilik muralar tizimine engizý baǵytyndaǵy jumysty bastaýdy tapsyrǵan bolatyn.
Keıinnen ıÝNESKO-nyń Búkilálemdik muralar tizimine Mańǵystaýdaǵy jerasty meshitterin engizý jóninde ótinim berilgeni habarlandy.
