ıÝNESKO sarapshylary Sırııanyń Palmır qalasyndaǵy eskertkishterdiń jaǵdaıymen tanysyp qaıtty
ASTANA. QazAqparat - Sırııadaǵy kóne Palmır qalasyndaǵy ashyq aspan astyndaǵy mýzeıdiń jádigerlerine DAISh sodyrlary aıtarlyqtaı zaqym keltirgen, dep habarlaıdy halyqaralyq uıym sarapshylary.
ıÝNESKO sarapshylary jaqynda DAISh sodyrlarynan azat etilgen sırııalyq Palmır qalasyna baǵalaý júrgizdi. Basqa jerge kóshirý múmkin emes qalyp qoıǵan kólemi úlken, aýyr eskertkishter men sarkofagtar búlingen nemese qatty qıraǵan. Sodyrlar kópshilik aldynda birqatar eskertkishterdi qıratqan. Onyń qatarynda Trıýmf arkasy jáne belgili Afına arystany eskertkishi de bar.
Top jetekshisi Mehtıld Ressler: «Biz áskerı aýmaqqa kelgendeı boldyq. Onda sırııalyq jáne reseılik áskerılerden basqa eshkim qalmaǵan. Olar aýmaqty mınadan tazartýǵa kómektesýde. Jumys áli de kóp. Qala qırap jatyr», dedi.
Mınadan tazartý jumystary aıaqtalǵan soń mamandar kóne eskertkishterdi qalpyna keltirýmen aınalysady. Sırııanyń Palmır qalasy - jasy eki myń jyl dep eseptelinetin ejelgi sáýlet jádigeri sanaldy. Ol ıÝNESKO-nyń dúnıejúzilik mura tizimine engizilgen.
