ıÝNESKO Ortalyq Azııa halyqtarynyń kıiz úıin materıaldyq emes mádenı mura tizimine qosty
ASTANA.KAZINFORM - Qazaqstan, Qyrǵyzstan jáne Qaraqalpaqstannyń dástúrli kıiz úıi ıÝNESKO-nyń Adamzattyń materıaldyq emes mádenı murasynyń reprezentatıvtik tizimine engizildi, dep habarlaıdy Kazinform agenttiginiń tilshisi.
Bul sheshim 10 jeltoqsanda Nıý-Delıde ótken Úkimetaralyq komıtettiń 20-shy sessııasynda qabyldandy.
Qazaqstan men Qyrǵyzstannyń alǵashqy birlesken ótinimi 2014 jyly berilgen, keıinirek Ózbekstan ony kıiz úı jasaý dástúri qaraqalpaqtardy da qamtıtyndaı etip keńeıtýdi usyndy. Muny Ózbekstan Prezıdenti Ákimshiliginiń basshysy Saıda Mırzıeeva atap ótti.
Onyń aıtýynsha, qyrǵyz, qazaq jáne qaraqalpaqtar úshin kıiz úı tek baspana ǵana emes, sonymen qatar ulttyq biregeıliktiń sımvoly jáne ol urpaqtan-urpaqqa berilgen.
- Bul - tarıhı kún. Halyqaralyq moıyndaý bizdiń dástúrimizdiń tereńdigin, rýhanı muramyzdyń beriktigin jáne urpaqtar arasyndaǵy úzilmeıtin baılanysty bildiredi, - dedi Mırzıeeva.
2024 jyly Qazaqstan, Qyrǵyzstan jáne Ózbekstan usynǵan birlesken ótinishte kıiz úı halyqtyq merekelerdiń, dástúrli rásimderdiń, jerleý jáne eske alý rásimderiniń ajyramas bóligi bolyp qala beretini aıtylǵan.
- Kıiz úı jasaý bilim men daǵdyny talap etedi. Kıiz úı - kıizben jabylatyn dóńgelek aǵash jaqtaý. Ol ońaı tasymaldanady, yqsham, ekologııalyq taza. Kıiz úı men onyń ıntererin jasaıtyn qolónershiler (erler men áıelder) osyndaı bilim ıesi bolǵan, - delingen ótinim mátininde.
2025 jyly ıÝNESKO 68 ótinimdi qaraıdy. Qazirgi ýaqytta uıymnyń materıaldyq emes mura tizimine 153 elden 812 element kiredi.
Materıaldyń aǵylshyn tilindegi túpnusqasyn osy jerden oqı alasyz.
Buǵan deıin Qyzylorda oblysyndaǵy úsh nysan ıÝNESKO-nyń negizgi tizimine engizilýi múmkin ekendigi týraly habarlanǵan bolatyn: Syǵanaq pen Jankent ejelgi qonystary jáne Jetiasardyń mádenı eskertkishteri.