ıÝNESKO-nyń Búkilálemdik muralar tizimi Qazaqstannyń tarıhı-mádenı eskertkishterimen tolyǵýy múmkin
ASTANA. 23 mamyr. QazAqparat /Jasulan Amanbaıuly/ - ıÝNESKO-nyń Búkilálemdik muralar tizimindegi transshekaralyq atalymyna kiretin «Jibek joly» serııasynyń qataryna Qazaqstannyń mádenı mura nysandaryn qosý maqsatynda, olardy ǵylymı qujattaý jumystaryna daıyndyq júrgizilýde.
Bul týraly búgin Astanada ótken ıÝNESKO men ISESKO isi boıynsha ulttyq komıssııanyń otyrysynda QR Mádenıet mınıstri Muhtar Qul-Muhammed málim etti.
Qoja Ahmet ıAsaýı kesenesi men Tamǵaly petroglıf tas kesheni, sonymen qatar 2008 jyly Ortalyq Azııa boıynsha alǵashqy tabıǵı nysan retinde "Saryarqa - Soltústik Qazaqstan kólderi men jazyqtyqtary" ıÝNESKO-nyń Búkilálemdik muralar tizimine engizilgen bolatyn.
«Degenmen, Álemde jer aýmaǵynyń kólemi boıynsha 9- oryn alatyn memleket úshin bul az. Qazaqstan aýmaǵynda biregeı mádenı eskertkishter jeterlik. Osy nysandardyń ǵylymı qujattaý jumystaryna daıyndyq jalǵasýda»,-deıdi mınıstr.
1992 jyldyń 22 mamyrynda ıÝNESKO quramyna kirgennen bastap Qazaqstan atalmysh uıymmen yntymaqtastyq aıasyn keńeıtýde. Osy ýaqyt aralyǵynda elimiz ıÝNESKO aıasynda qabyldanǵan on bir halyqaralyq konventsııalarynyń múshesi boldy. 2006 jyly Astanada QR Úkimeti men ıÝNESKO arasynda bilim, ǵylym, mádenıet, aqparat jáne kommýnıkatsııa salalarynda seriktestik memorandýmyna qol qoıyldy.
