ıÝNESKO-nyń jańa bas dırektory bolyp Haled ál-Ananı taǵaıyndaldy

ASTANA. KAZINFORM — ıÝNESKO-nyń Bas konferentsııasy uıymnyń jańa bas dırektory retinde Haled ál-Ananıdi saılady. Bul týraly ıÝNESKO-nyń saıtynda habarlandy, dep jazdy Belta.

Aıtylǵandaı, ol 179 daýystyń ishinen 172 daýys jınady. Jańa bas dırektor 15 qarashada óz qyzmetine kirisedi. Ol bul qyzmette 2017 jyldan beri osy laýazymdy atqaryp kelgen Odre Azýleni almastyrady.

Haled Ahmed ál-Ananı Álı Ezz — egıptolog, Helýan ýnıversıtetiniń egıptologııa professory, onda 30 jyldan astam ýaqyttan beri sabaq beredi. Sondaı-aq, ol Frantsııanyń Monpele qalasyndaǵy Pol Valerı ýnıversıtetinde egıptologııa boıynsha fılosofııa doktory dárejesin alǵan, bul oqý ornynda birneshe ret shaqyrylǵan professor retinde qyzmet atqarǵan.

2014–2016 jyldary Egıpet órkenıetiniń ulttyq mýzeıin basqarǵan, al 2015–2016 jyldary Kaırdegi Egıpet mýzeıiniń dırektory bolǵan. 2016 jyldan 2022 jylǵa deıin Egıpet Arab Respýblıkasynyń Ejelgi eskertkishterdi qorǵaý isteri jónindegi mınıstri, keıin Týrızm jáne ejelgi eskertkishterdi qorǵaý mınıstri qyzmetin atqardy.

Ol birqatar halyqaralyq ǵylymı qoǵamdardyń múshesi. Ótken jyldyń qarashasynda Dúnıejúzilik týrıstik uıymnyń mádenı týrızm jónindegi arnaıy elshisi bolyp taǵaıyndalǵan, keıinirek Afrıkanyń dúnıejúzilik mura qorynyń qamqorshylar keńesine kirdi. Haled ál-Ananı kóptegen halyqaralyq marapattardyń ıegeri.

Haled ál-Ananı ıÝNESKO tarıhyndaǵy arab elinen shyqqan alǵashqy jáne bul qyzmetti atqaryp otyrǵan Afrıka ókilderiniń ishinde ekinshi tulǵa boldy.

Aıta keteıik, buǵan deıin Haled Ál-Ananı Mysyr eliniń ókili retinde ıÝNESKO-nyń bas dırektory laýazymyna jalǵyz úmitker retinde usynylǵanyn jazǵan edik.